GOTSSI (Gozzi) Karlo (1720.13.12 -Venesiya — 1806.4.4.) — italyan dramaturgi. "Uch apelsin ishqida" (1761) pyesasi b-nbilan teatr ertakchiligi (fyaba) janriga asos solgan. G. ijtimoiy qarashlariga koʻra konservator boʻlgan, hayotdagi hamma tartiblarning joyjoyida qolishini istagan, yangi ijtimoiy tamoyillarni yoqtirmagan, hatto fransuz maʼrifatparvarlarining gʻoyalarini ham qabul qilmagan. Shu b-nbilan birga kiborlar tabaqasining nuqsonlarini ham tanqid qilgan. G. asarlari xalq yumorlariga boy, xalq dramalariga xos masharabozlik xususiyatlari yetakchilik qiladi ("Ilon xotin", 1762; "Zubayda", 1763; "Chin maʼshuqa", 1771 va b.). "Baxtli gadolar" (1764) ertak-pyesasidagi voqealar Samarqandda boʻlib oʻtadi. Unda G.ning odil shoh haqidagi gʻoyalari aks etgan. "Malikai Turandot" (1762) da Sharq ayollarining ijtimoiy ahvoli tasvirlangan. Asar rus tilidan Choʻlpon (1926), Mannon Uygʻur tarjimasida (1928) sahnalashtirilgan. "Baxtli gadolar" Shukrullo tarjimasida nashr etilgan (1969).
