Oʻzbekiston-Qozogʻiston munosabatlari izchil rivojlanmoqda. Qozogʻiston Oʻzbekistonning muhim savdo sheriklaridan biri boʻlib, [[Oʻzbekiston|Oʻzbekiston Respublikasi]] bilan [[Markaziy Osiyo]] davlatlari oʻrtasida ayirbosh qilinadigan mahsulotlarning yarmi uning hissasiga toʻgʻri keladi. Shunga qaramasdan, ikki davlat oʻrtasida savdo-iqtisodiy munosabatlarni yanada rivojlantirish uchun ishga solinmagan imkoniyatlar koʻpdir.
Qozogʻiston bilan ikki tomonlama hamkorlik, shubhasiz, mintaqada barqarorlikni taʼminlash va dolzarb masalalarni birgalikda va samarali hal etishga xizmat qiladi. [[2005-yil]]gacha ikki davlat oʻrtasida ikki tomon uchun ahamiyatli boʻlgan 166 hujjat imzolangan. [[2004-yil]] [[Oʻzbekiston|Oʻzbekiston Respublikasi]] bilan Qozogʻiston oʻrtasidagi tovar aylanmasi 425,9 mln. [[AQSh dollari]]ni, jumladan, eksport 184,7 mln. AQSh dollarini, import 241,2 mln. AQSh dollarini tashkil etdi.
1991-yildan buyon Oʻzbekiston Respublikasi Prezidenti [[Islom Karimov]]ning Qozogʻistonga 25 ta tashrifi amalga oshirilgan va Qozogʻiston Prezidenti Oʻzbekistonga 7 marotaba tashrif buyurgan.
