Matritsa: Versiyalar orasidagi farq

'''Matritsa''' (lot. matrix — bachadon) — 1) metallurgiyada — metallarga bosim bilan ishlov berishda qoʻllaniladigan shtamplarning ish qismi. M. sirtida tayyorlanadigan buyum (detal)ning qiyofasiga mos botiq (yoki teshik) boʻladi. Ana shu botiq (yoki teshik) ga shtampning ikkinchi qismi — puanson kiradi. M. yaxlit yoki qismlarga ajraladigan qilib yasalishi mumkin; 2) matbaada — harf, rakam yoki belgining tasviri tushirilgan metall plastinka yoki taxtacha (brusok). M.ning shriftlar quyiladigan (qoʻlda harf terishda ishlatiladigan literalarni quyish uchun), satr quyiladigan (q.qarang [[Linotip]]) va harf quyiladigan (q.qarang [[Monotip]]) xillari boʻladi. Yuqori bosma qolipidan xoʻllangan karton yoki plastmassaga botirib tushirilgan chu-qur nusxa ham M. deb ataladi. Bunday M.dan stereotiplar (q.qarang [[Stereotipiya]]) yoki galvanostereotiplar (q.qarang [[Galvanostereotipiya]], [[Galvanotexnika]]) tay-yorlashda foydalaniladi. <ref>[[OʻzME]]. Birinchi jild. Toshkent, 2000-yil</ref>