Milliy antidoping agentligi
Oʻzbekiston Respublikasi Milliy antidoping agentligi — sportda doping qoʻllanilishining oldini olish va dopingga qarshi kurashish sohasida yagona davlat siyosatini amalga oshiruvchi tashkilot[1]. Agentlik tarkibida 3 ta boʻlim va 2 ta komissiya mavjud.
| Turi | Davlat boshqaruv idorasi |
|---|---|
| Maqomi | Amalda |
| Ishga tushgan sanasi | 3-yanvar, 2018-yil |
| Joylashuvi | Toshkent shahari, Yunusobod tumani, A.Qodiriy koʼchasi, 2-uy |
| Hududiy xizmati |
 Oʻzbekiston |
| Direktori | Abdushukur Sadikov |
| Vebsayti | uznada.uz |
| Til(lar)i | oʻzbek, rus |
Tarixi
tahrirOʻzbekiston Respublikasi Milliy antidoping agentligi O'zbekiston Respublikasi Prezidentining 2018-yil 3-yanvardagi PQ-3457-son „Oʻzbekiston Respublikasi Milliy antidoping agentligi faoliyatini tashkil etish chora-tadbirlari toʻgʻrisida“gi qarori asosida Vazirlar Mahkamasi huzurida tashkil etilgan[2][3].
2021-yil 6-aprelda Oʻzbekiston Respublikasi Prezidentining PQ-5057-sonli qarori asosida Agentlik faoliyati yangi bosqichga olib chiqildi hamda moddiy-texnik bazasi mustahkamlandi[4].
2023-yil 8-mayda qabul qilingan PQ-149-sonli qaror Agentlik faoliyatida tub oʻzgarishlarni boshlab bergan. Ushbu qaror asosida Milliy antidoping agentligi Oʻzbekiston Respublikasi Milliy antidoping agentligi etib qayta tashkil etilgan, hamda agentlikning ustuvor yoʻnalishlari, tashkiliy tuzilmasi, faoliyatini transformatsiya qilish boʻyicha „Yoʻl xaritasi“ tasdiqlangan[5][6].
Agentlikning vazifalari
tahrirOʻzbekiston Respublikasi Milliy antidoping agentligining (OʻzMADA) asosiy vazifasi sportchilarning dopingsiz musobaqalarda qatnashish uchun asosiy huquqlarini himoya qilishdir. Shu maqsadda, OʻzMADA boshqa har qanday antidoping tashkiloti singari, ikkita vazifani oʻz oldiga qoʻygan[7]:
- jamoatchilikni va sportchilarni antidoping qoidalari toʻgʻrisida xabardor qilish, dopingga nisbatan nol tolerantlik madaniyatini shakllantirish va sportda dopingni oldini olishga asoslangan qisqa, oʻrta va uzoq muddatli taʼlim dasturlarini amalga oshirish va qoʻllab-quvvatlash;
- testlarni rejalashtirish va oʻtkazish, antidoping qoidalarini buzish holatlarini tekshirish, shuningdek, natijalarni qayta ishlash va buzilish faktlari boʻyicha eshituvlar oʻtkazish.
Agentlik faoliyati
tahrirMilliy antidoping agentligi Butunjahon antidoping agentligining antidoping boshqaruvi va menejmenti (ADAMS) maxsus dasturini Oʻzbekiston respublikada joriy etishgan. Bu dastur orqali agentlik faoliyatini samarali tashkil etish va butunjahon maʼlumotlar bazasi axborotlaridan foydalanish imkoniyati yaratilgan. Sportchilarning musobaqa va musobaqalardan tashqari boʻlgan davr mobaynida doping-test jarayonlaridan oʻtishi toʻgʻrisida aniq axborot shakllanadi va doping-nazorat tizimi tashkil etiladi. Agentlik Oʻzbekiston sportchilari dori vositalaridan terapevtik maqsadlarda foydalanishi va taqiqlangan har xil dori vositalaridan foydalanmasligi toʻgʻrisida aniq tavsiyalar berish dasturi va maxsus antidoping tizimi joriy etilgan.
Agentlik doping orqali sportchilarga yetkaziladigan zarar, doping qabul qilishning salbiy oqibatlari toʻgʻrisida jamoatchilikni xabardor etadi hamda Butunjahon antidoping agentligining dasturlari va loyihalarini amalga oshirish, xalqaro tashkilotlar bilan aloqalarni mustahkamlash va rivojlantirishga alohida eʼtibor qaratadi[8].
Boshqaruv tarkibi
tahrirAbdushukur Sadikov — Oʻzbekiston Milliy antidoping agentligi bosh direktor[9][10].
Manbalar
tahrir- ↑ „AGENTLIK HAQIDA“. uznada.uz. ANTIDOPING. Qaraldi: 21-may 2024-yil.
- ↑ „Milliy antidoping agentligi tashkil etilmoqda“. Gazeta.uz. «Gazeta News» MChJ. Qaraldi: 21-may 2024-yil.
- ↑ „O‘ZBEKISTON RESPUBLIKASI MILLIY ANTIDOPING AGENTLIGI FAOLIYATINI TASHKIL ETISH CHORA-TADBIRLARI TO‘G‘RISIDA“. lex.uz. Adolat. Qaraldi: 21-may 2024-yil.
- ↑ „O‘ZBEKISTON RESPUBLIKASI MILLIY ANTIDOPING AGENTLIGI FAOLIYATINI YANADA TAKOMILLASHTIRISH CHORA-TADBIRLARI TO‘G‘RISIDA“. lex.uz. Adolat. Qaraldi: 21-may 2024-yil.
- ↑ „MILLIY ANTIDOPING AGENTLIGI QAYTA TASHKIL QILINDI PODROBNEYE: HTTPS://WWW.NORMA.UZ/OZ/QONUNCHILIKDA_YANGI/MILLIY_ANTIDOPING_AGENTLIGI_QAYTA_TASHKIL_QILINDI“. norma.uz. «NORMA» MChJ. Qaraldi: 21-may 2024-yil.
- ↑ „MA’MURIY ISLOHOTLAR DOIRASIDA O‘ZBEKISTON RESPUBLIKASI MILLIY ANTIDOPING AGENTLIGI FAOLIYATINI SAMARALI TASHKIL QILISH CHORA-TADBIRLARI TO‘G‘RISIDA“. lex.uz. Adolat. Qaraldi: 21-may 2024-yil.
- ↑ „Missiyamiz“. uznada. ANTIDOPING. Qaraldi: 21-may 2024-yil.
- ↑ „O‘zbekiston Milliy antidoping agentligi muvaffaqiyatli natija qayd etdi“. yuz.uz. yuz.uz. Qaraldi: 21-may 2024-yil.
- ↑ „O'zbekiston Milliy antidoping agentligiga yangi bosh direktor tayinlandi“. olamsport.com. Olamsport.com. Qaraldi: 21-may 2024-yil.
- ↑ „Abdushukur Sadikov Milliy antidoping agentligiga rahbar bo‘ldi“. Gazeta.uz. «Gazeta News» MChJ. Qaraldi: 21-may 2024-yil.