Mina (frans. mine) — I) portlovchi modda zaryadi. Boshqariladigan (sim, radio orqali portlatiladigan) va boshqarilmaydigan (bevosita taʼsir natijasida portlaydigan) turlari bor. Tuzilishi va vazifasiga koʻra, dengiz minalari, tankka qarshi M., piyodaga qarshi M., transportga qarshi M., obʼyektlarni portlatuvchi M., mina-tuzoq va maxsus (yer osti konlari, bu-rgʻilash quduqlarida qoʻyiladigan) M.ga boʻlinadi. Tankka qarshi (portlovchi moddasining ogʻirligi 5000–7000 gr) va piyodaga qarshi (portlovchi moddasining ogʻirligi 75—200 g) M.lar bosim kuchi yoki tortish kuchi taʼsirida portlaydi. Transportga qarshi M. yoʻllarga qoʻyilib, ustidan transportlar yurib oʻtayotganda portlaydi. Obʼyektni portlatuvchi M.lardan turli insho-otlarga shikayet yetkazishda foydalaniladi. Mina-tuzoq va maxsus M. kishida qiziqish uygʻotadigan har xil buyum, qurol-yarogʻ, oziq-ovqat va boshqalarlarga berkitib qoʻyiladi; 2) minomyotlardan otiladigan yupqa devorli snaryadlar. Oskolkali, fugas, fugas-oskolkali, tutun tarqatuvchi, yondiruvchi, yorituvchi hamda oʻquvmashq xillarga boʻlinadi.[1]

Manbalar tahrir

  1. OʻzME. Birinchi jild. Toshkent, 2000-yil