Mungli koʻzlar

„Mungli koʻzlar“ — oʻzbek yozuvchisi Xudoyberdi Toʻxtaboyev qalamiga mansub roman. Ilk bor 1988-yil Toshkent shahrida „Yosh gvardiya“ nashriyotida chop etilgan. 1991-yil „Kamalak“ nashriyotida qayta nashr etilgan. Romanda mol-dunyoga berilgan ota-ona va ularning farzandlarining fojiali qismati haqida soʻz yuritiladi.

Mungli koʻzlar

Muallif(lar)	Xudoyberdi Toʻxtaboyev
Til	oʻzbekcha
Janr(lar)i	roman
Nashriyot	„Yosh gvardiya“ (1-nashr) „Kamalak“ (2-nashr)
Oʻzbek tilida nashr etilgan sanasi	1988 (1-nashr) 1991 (2-nashr)
Sahifalar soni	285 (1-nashr) 288 (2-nashr)
ISBN	ISBN 5-683-00140-0 (1-nashr) ISBN 5-633-00695-X(2-nashr)

Syujeti

Romanda oʻziga toʻq oila haqida hikoya qilinadi. Oila birdan muammolar ichida qoladi: ota pora bilan qoʻlga tushadi, noqonuniy savdo bilan shugʻullanuvchi tillafurush onaning jinoyatlari fosh boʻla boshlaydi. Natijada Zafar va uning nogiron akasi Akbar otadan, onadan, oilaviy doʻstlardan, molu-dunyolaridan, huzur-halovatlaridan ayrilishadi. Bu bolalarga qattiq zarba boʻladi. Natijada Akbar oʻzini yoqib yuboradi.

Asad Karimov-Zafar va aka ukalarining dadasi.kasbi bazada bosh omborchi

• Zafar – boy oila farzandi
• Akbar – Zafarning nogiron akasi
• Nigora – Zafar va Akbarning singlisi
• Ataullo Isayevich – Zafarning ustozi
• Yoqutxon Karimova - Zafarning , aka-ukalaring oyisi. Kasbi hojatbarorlik , lekin Akbar o'g'li o'z oyisini chayqovchi deb ta'riflaydi

Nashrlar

Asarning birinchi nashri 1988-yil Toshkent shahrida „Yosh gvardiya“ nashriyotida chop etilgan. 1991-yil „Kamalak“ nashriyotida qayta nashr etilgan. Ikkinchi nashr oxirida Abdugʻafur Rasulovning roman haqidagi maqolasi keltirilgan. Ikkinchi nashrni tayyorlashda quyidagi shaxslar ishtirok etgan: S. Saydaliyeva – muharrir, V. Valiyev – rassom, H. Rahmatullayev – rasmlar muharriri, J. Nadirova – texnik muharrir, M. Nabiyeva, Sh.Valiyeva – musahhihlar. Kitob adadi – 60 000 nusxa.

Havolalar

• Badiiy asarda ijtimoiy muhit va bola ruhiyati, Ruxsora Toʻliboyeva, Oʻzbekiston yozuvchilar uyushmasi