Nabijon Boqiy (1956-yil 7-noyabrda tug'ilgan) — Farg'ona viloyati Bag'dod tumanidagi Chuvalanchi qishlog'ida tug'ilgan o'zbek adibi. Toshkent davlat universtitetining jurnalistika fakultetida tahsil olgan. Bir qancha asarlari, jumladan, "Bir muhabbat qissasi" (1990), "Qatlnoma" (1992), "Gulzamira" (1994), "Chingiz afandiga maktublar" (2004), "Anvar poshoning vasiyati" (2006) kabi qissalari nashr etilgan[1]. Bir necha jahon adabiyoti namunalarini o'zbek tiliga mahorat bilan o'girgan. Robert Luis Stivensonning "Katriona" va "Merosxo'r" romanlarini, Georgiy Priyaxinning "Tushlarimga kirar Xazora" romani ana snunday tarjimalardan hisoblanadi. Nabijon Boqiy 2007-yilda muallifi Sadriddin Ayniy bo'lgan "Sudxo'rning o'limi" qissasiga asoslanib 10 qismli kinoqissa yozgan.

1996-yilda "Shuhrat" medali bilan taqdirlangan[1].

"Qatlnoma" haqida qisqachaTahrirlash

 
Nabijon Boqiy "Qatlnoma"

"Qatlnoma"qissasi 1991-yil "Sharq yulduzi" jurnalining 5-6-sonlarida hamda bir yildan keyin G'afur G'ulom nomidagi Asabiyot va san'at nashriyotida chop etilgan. Ammo, uzoq yillar davomida qayta chop etilmadi. So'ng 2020-yilda yangi faktlar bilan to'latilib qayta nashr qilindi. Ushbu asar stalinizm istibdodi haqida haqiqiy tarixni ochib beradi. Nabijon Boqiyning "Qatlnoma" asari DHQda saqlanayotgan yozma manbalar va hujjatlar asosida o'sha davr muhitini yoritib berish maqsadida yozilgan bo'lib, asarning asosiy mazmunini "Abdulla Qodiriyni kimlar qayerda, qachon va nima uchun qatl etdilar?..." savoliga javob berishni maqsad qiladi[2]. Asarda shuningdek mavzuga doir rasmiy hujjatlar ham kiritilgan bo'lib, hujjatli qissa janrida yozilgan[3].

ManbalarTahrirlash

  1. 1,0 1,1 Tojialiyev, Davronbek. "Kitob haqida kitob". Akademnashr — 117-, 118-betlar bet. ISBN 978-9943-6965-7-0. 
  2. Nabijon, Boqiy. "Qatlnoma". Azon kitoblari. ISBN 978-9943-6619-7-4. 
  3. „Nabijon Boqiy (1956)“. https://n.ziyouz.com/.+Qaraldi: 13-iyun 2022-yil.

HavolalarTahrirlash