Navoiy konchilik instituti

Navoiy davlat konchilik va texnologiyalar universiteti
Xalqaro nomi	Navoi State University of Mining and Technologies
Ilgarigi nomi	Navoiy davlat konchilik instituti
Asos solingan sanasi	1995-yil
Rektori	Baxtiyor Mardonov
Manzili	Gʻalaba shoh koʻchasi, 76-uy, Navoiy shahri, Navoiy viloyati, Oʻzbekiston
Veb-sayti	www.nsumt.uz

Navoiy davlat konchilik va texnologiyalar universiteti – Kon-metallurgiya sohalari boʻyicha mutaxassislar tayyorlaydigan davlat oliy oʻquv yurti. Navoiy shahrida joylashgan. 1995-yilda „Qizilqum nodir metall oltin“ davlat konserni qoshida institut sifatida tashkil etilgan. Institut tarkibida konchilik, kimyo-metallurgiya, energomexanika va Olmaliq kon-metallurgiya (Olmaliq shahrida) fakultetlari va 21 kafedra mavjud boʻlib, 10 taʼlim yoʻnalishi boʻyicha bakalavrlar (2 kasbiy taʼlim; menejment; elektroenergetika; metallurgiya; mashinasozlik texnologiyasi, mashinasozlik ishlab chiqarish jihozlari va ularni avtomatlashtirish; kimyoviy texnologiya; konchilik ishi; avtomatlashtirish va boshqaruv; kon elektromexanikasi; texnalogik mashinalar va jihozlar) va 5 mutaxassislik boʻyicha magistrlar (rangli va nodir metallar metallurgiyasi; foydali qazilmalarni yer osti usulida qazib olish; foydali qazilma konlarini ochiq usulda qazib olish; foydali qazilmalarni boyitish; kasb-hunar fanlarini oʻqitish metodikasi) tayyorlanadi. Institut qoshida internat litseyi faoliyat koʻrsatadi. 2002—2003-oʻquv yili institutda 2,5 mingga yaqin talaba oʻqidi; 7 fan doktori va professor, 44 fan nomzodi va dotsent ishladi. Institut olimlari xorijiy mamlakatlarning nufuzli oliy oʻquv yurtlari bilan oʻquv jarayonini takomillashtirish va ilmiy tadqiqotlar ishlarini hamkorlikda olib borish boʻyicha aloqalar oʻrnatgan^[1]^[2].

2022-yil 31-martdagi PQ-186-sonli Prezident qarori bilan Navoiy davlat konchilik va texnologiyalar universiteti sifatida qayta tashkil etilgan^[3].

Universitet huzurida quyidagilar tashkil etilgan^[3]:

Nukus konchilik instituti
„Navoiy“ ilmiy-texnologiya sanoat parki
Gʻozgʻon politexnika texnikumi
Uchquduq sanoat texnikumi
Zarafshon sanoat texnikumi

Yana qarang

Navoiy davlat konchilik va texnologiyalar universiteti akademik litsey

Manbalar

↑ „Navoiy konchilik instituti“, Oʻzbekiston milliy ensiklopediyasi: 6-jild (Miriy — Parxish). Toshkent: „Oʻzbekiston milliy ensiklopediyasi“ Davlat ilmiy nashriyoti, 2003 — 704-bet.
↑ OʻzME. Birinchi jild. Toshkent, 2000-yil
↑ ^3,0 ^3,1 „O‘zbekiston Respublikasi Prezidentining Navoiy davlat konchilik va texnologiyalar universitetini tashkil etish to‘g‘risidagi PQ-186-sonli qarori“. lex.uz. Oʻzbekiston Respublikasi Adliya vazirligi (2022-yil 31-mart). Qaraldi: 26-fevral 2025-yil.

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Oliy oʻquv yurti haqidagi ushbu maqola chaladir. Siz uni boyitib, Vikipediyaga yordam berishingiz mumkin.

[1] „Navoiy konchilik instituti“, Oʻzbekiston milliy ensiklopediyasi: 6-jild (Miriy — Parxish). Toshkent: „Oʻzbekiston milliy ensiklopediyasi“ Davlat ilmiy nashriyoti, 2003 — 704-bet.

[2] OʻzME. Birinchi jild. Toshkent, 2000-yil

[lex.uz-3] 3,0 ^3,1 „O‘zbekiston Respublikasi Prezidentining Navoiy davlat konchilik va texnologiyalar universitetini tashkil etish to‘g‘risidagi PQ-186-sonli qarori“. lex.uz. Oʻzbekiston Respublikasi Adliya vazirligi (2022-yil 31-mart). Qaraldi: 26-fevral 2025-yil.

[1]

[2]

[3]