Nikolay Semyonov

Nikolay Nikolayevich Semyonov [1896.3 (15.4), Saratov — 1986.25.9) — rus fizigi va fizik-kimyogari, kimyoviy fizika fani asoschilaridan, akademik (1932), Mehnat Qahramoni (1966, 1976). Rossiya Fanlar Akademiyasi Kimyoviy fizika instituti asoschisi va direktori (1931-yildan), bir vaqtning oʻzida Moskva davlat universiteti professor I (1944-yildan). S. zanjir reaksiyalarining umumiy miqdoriy nazariyasini yaratgan (1934). Koʻpgina murakkab zanjirli jarayonlar mexanizmini ishlab chiqqan, erkin atomlar va radikallar xossalarini oʻrgangan. Nobel mukofoti laureati (1956).