Niyozbuvi Davlatova

Niyozbuvi Davlatova (1923-yil, Past Dargʻom tumani, Samarqand viloyati — ?) — paxtakor, Sotsialistik Mehnat Qahramoni (1957), KPSS aʼzosi (1955).

Niyozbuvi Davlatova
Tavalludi	1923-yil Oqsoy qishlogʻi, Past Dargʻom tumani, Samarqand viloyati
Vafoti	nomaʼlum
Fuqaroligi	SSSR
Kasbi	Qishloq xoʻjaligi xodimi, paxtakor
Unvoni
Mukofotlari

Tarjimayi holi

Niyozbuvi Davlatova 1923-yil Past Dargʻom tumanida tavallud topgan. Davlatova Past Dargʻom tumanidagi „Oliy Sovet“ kolxozida tabelchi (1939—1947), Kalinin nomli kolxozda zveno boshligʻi (1947—1951), „22-partsyezd“ kolxozida kichik yoshdagi bolalar bogʻchasi mudirasi (1951—1955), brigadir (1955—1958), rais muovini (1958—1959), Poʻlatchi qishloq sovetining raisi (1959), „Moskva“ kolxozida partiya tashkilotining kotibi (1960), partiya qoʻmitasining instruktori (1961—1962), „Pravda“ kolxozining raisi (1963—1964), brigadir (1965—1967), 1968-yildan Telman qishloq sovetining raisi boʻlib ishlagan. Davlatova rahbarligidagi brigada 82 gektar maydondan oʻrtacha 38,5 sentner paxta yetishtirgan (1956).

Adabiyotlar

• Oʻzbek Sovet Ensiklopediyasi, III tom, Toshkent: OʻzSE Bosh redaksiyasi, 1973 — 640-bet.