Nizomiddin Ubaydullo Zokoniy

Nizomiddin Ubaydullo Zokoniy (Ubayd Zokoniy nomi bilan mashhur; 1270/1280-yil, Eron — tax. 1370-yil) — fors yozuvchisi va shoiri, fors adabiyotida hajv (satira) asoschisi.

Zakon va Bagʻdoddagi bilim maskanlarida taʼlim olgan. Arab va fors tillarida ijod qilgan. Zokoniyning „Navodir ul-amsol“ („Nodir masallar“), „Axloq ul-ashrof“ („Zodagonlar axloqi“), „Sad pand“ („Yuz nasihat“) kabi asarlari fors adabiyotining nodir namunalari hisoblanadi. „Mush-u-gurba“ („Mushuk ila sichqon“) kichik hajmli majoziy dostoni jahon xalqlarining koʻplab tillariga, shuningdek, oʻzbek tiliga ham tarjima qilinib, 1907–1909-yillarda bir necha bor chop etilgan.