Odiljon Ziyodullayev
Odiljon Egamberdiyevich Ziyodullayev (1979-yil 1-fevral, Baxmal tumani, Jizzax viloyati, Oʻzbekiston SSR) — oʻzbekistonlik olim, kimyo fanlari doktori, professor.
| Odiljon Egamberdiyevich Ziyodullayev | |
|---|---|
 | |
| Tavalludi |
1-fevral 1979-yil Baxmal tumani, Jizzax viloyati, Oʻzbekiston SSR |
| Fuqaroligi |
 Oʻzbekiston |
| Kasbi | kimyogar |
| Sohasi | kimyo |
| Taʼlimi | Samarqand davlat universiteti (bakalavriat) Oʻzbekiston Milliy universiteti (magistratura) |
| Ilmiy darajasi | kimyo fanlari doktori |
| Ilmiy unvoni | professor |
| Mukofotlari |
 |
Biografiyasi tahrir
Odiljon Ziyodullayev 1979-yil 1-fevral Baxmal tumani ishchilar oilasida tugʻilgan[1]. 2000-yilda Samarqand davlat universiteti kimyo fakultetini bakalavriatini, 2003-yilda Oʻzbekiston Milliy universiteti „Neft va tabiiy gaz kimyosi“ mutaxassisligi boʻyicha magistraturani tamomlagan. 2003—2006-yillarda Oʻzbekiston Milliy universitetida „Organik kimyo“ ixtisosligi boʻyicha aspiranturada taʼlim olgan. 2006—2011 yillarda Oʻzbekiston Milliy universiteti kimyo fakultetida muhandis-texnik, 2011—2012-yillarda Toshkent kimyo-texnologiya instituti neft va gazni qayta ishlash kimyoviy texnologiyasi kafedrasi assistenti, 2012-yilda shu institutning Yoqilgʻi va organik birikmalar kimyoviy texnologiyasi fakulteti maʼnaviy-maʼrifiy ishlar boʻyicha dekan oʻrinbosari, 2012—2017-yillarda Toshkent kimyo-texnologiya instituti „Neft va gazni qayta ishlash kimyoviy texnologiyasi“ kafedrasi mudiri, 2017-yilda Oʻzbekiston Milliy universiteti ilmiy va ilmiy-pedagogik kadrlar tayyorlash boʻlimi boshligʻi, 2017—2019-yillarda Chirchiq davlat pedagogika instituti oʻquv va ilmiy ishlar boʻyicha prorektori, 2019—2022-yillarda Chirchiq davlat pedagogika instituti ilmiy ishlar va innovatsiyalar boʻyicha prorektori lavozimida faoliyat olib borgan[1]. 2022-yildan Chirchiq davlat pedagogika universiteti ilmiy ishlar va innovatsiyalar boʻyicha prorektori.
Ilmiy faoliyati tahrir
Odiljon Ziyodullayev 2011-yilda Organik moddalar texnologiyasi ixtisosligi boʻyicha kimyo fanlari nomzodi, 2016-yilda Organik kimyo ixtisosligi boʻyicha kimyo fanlari doktori ilmiy darajasini olgan. 2016-yilda dotsent ilmiy unvoni berilgan. „Neft-gaz kimyosi va fizikasi“ (2014), „Neft-gazni qayta ishlash texnologiyasi“ (2016) nomli darsliklar, „Neft va gazni qayta ishlash texnologiyasi“ (2013), „Neft va gazni qayta ishlash korxonalari jihozlari va loyihalash asoslari“ (2014), „Neft-gaz kimyosi va fizikasi“ (2015) nomli oʻquv qoʻllanmalari, „Atsetilen spirtlari: olinishi, xossalari, qoʻllanilishi“ (2017) nomli monografiya muallifi[1].
Mukofotlari tahrir
- „Oʻzbekiston Respublikasi Mustaqilligining 30 yilligi“ esdalik nishoni (2021).