Oligoklaz

Oligoklaz (oligo... va yun. klasis — sinish, yorilish) — natriy-kalsiyli dala shpatlari (plagioklazlar) guruhiga mansub minerallarning nordon xili. Tarkibi 10—30% anortit va 70— 90% albitning izomorf aralashmasidan iborat. Triklin singoniyali. Tarkibida 5—25% anortit boʻlgan turi peristerit (yun. peristera — kaptar; moviy rangiga koʻra) deb ataladi. O.— magmatik va metamorfik mineral turlariga kiradi.