Ovoz (teleloyiha)

„Ovoz“ („The voice of Uzbekistan“) – oʻzbekcha koʻngilochar vokal isteʼdodlari musiqiy loyihasi. Bu musiqiy loyiha niderlandiyalik prodyuser John de Mol tomonidan yoʻlga qilingan „The Voice“ televizion vokal tanlovi formatining oʻzbekcha talqini. 2024-yil 20-apreldan „Zoʻr TV“ telekanalida efirga uzatila boshlandi.

Ovoz
“Ovoz” loyihasi logotipi
Boshqa nomi	The Voice of Uzbekistan
Turi	Musiqa
Muallif(lar)	Shuhrat Ahmedov Evner Latibjanov Hamdam Turanov
Qaysi asarga asoslangan	The Voice
Yaratuvchi(lar)	John de Mol
Rejissyor	Baxtiyor Safarov
Hakam(lar)	Ozodbek Nazarbekov Tohir Sodiqov Sevara Nazarxon Farrux Zokirov
Sharhlovchi(lar)	Mirshakar Fayzulloyev
Bastakor(lar)	Nodira Qodirova
Mamlakat	Oʻzbekiston
Til	oʻzbekcha ruscha
Mavsumlar soni	1
Qismlar soni	17
Ishlab chiqarish
Ijrochi prodyuser(lar)	Rahmonali Yoʻlchiboyev
Prodyuser(lar)	Timur Salimov
Joy	Yashnobod tumani, Elbek koʻchasi 8-uy
Muharrir(lar)	Umid Musayev
Kamera	Jobir Abdunodirov Furqat Saidmamatov Mirzo Mirzakarimov Hojiakbar Abrorov Ulugʻbek Ilhomov Muzaffar Ubaydullayev Ahror Olimjonov Mirjalol Otaxoʻjayev Elyor Ibrohimxoʻjayev Abror Latipov Shukrullo Qoʻchqorov Nasrullo Hayrullayev Shahzod Dalabpyev Sobir Qurbonov
Qism davomiyligi	80-150 daqiqa
Efirga uzatilishi
Telekanal	Zoʻr TV
Tasvir formati	1080p
Ovoz formati	Stereo
Translyatsiya davri	20-aprel, 2024-yil(2024-04-20) — 11-avgust, 2024-yil(2024-08-11)
Holati	Mavsumiy tanaffus
Oʻxshash koʻrsatuv(lar)	Ovoz Bolalar

Tarixi

„Ovoz“ musiqiy loyihasi „The Voice“ loyihasining rasmiy franshizasi boʻlib, 2024-yil 16-martda „Zoʻr TV“ telekanalida uning taqdimot marosimi oʻtkazildi. Shu kuni boʻlib oʻtgan matbuot anjumanida Oʻzbekiston shu teleloyihani namoyish etish huquqini olgan dunyodagi 76-mamlakat ekanligi aytildi. Marosimda „Ovoz“ musiqiy loyihasining ilk murabbiylari sifatida Farruh Zokirov, Sevara Nazarxon, Tohir Sodiqov va Ozodbek Nazarbekov tanishtirildi.

Boshlovchilar

Boshlovchi	Mavsum
	1
Mirshakar Fayzulloyev

Murabbiylar

Murabbiylar	Mavsum
	1
Farruh Zokirov
Sevara Nazarxon
Tohir Sodiqov
Ozodbek Nazarbekov

Eʼtirozlar

“Uyimni sotib bo‘lsa ham beraman” — Ozodbek Nazarbekov “Ovoz” loyihasiga sarflangan 2 mlrd so‘m uchun malomat qilmaslikni so‘radi. Mazkur loyihaga Oʻzbekiston byudjetidan 2 milliard so‘m mablag‘ sarflangan va bu muhokamalarga sabab bo‘lib kelmoqda.

Anjumanda Ozodbek Nazarbekov agar jamoatchilik sarflangan mablag‘ga e’tiroz bildirayotgan bo‘lsa, pulni o‘z yonidan qaytarib to‘lashga roziligini aytib o‘tdi:

Bir narsani tushuninglar, bugungi kunda O‘zbekistonni nufuzini ko‘tarishga “Ovoz” loyihasi ham xizmat qiladi. Agar shuning uchun 2 milliard so‘m sarflash jinoyat bo‘lsa, men bunga roziman. Butun dunyoda yagona musiqiy shou mana shu loyiha bo‘lib turibdi va 76 ta davlatda namoyish etiladi. Sarflangan 2 milliard so‘mga malomat qilaversanglar, shu pulni hozir uyimni sotib bo‘lsa ham beraman.