Tohir Sodiqov
Tohir Sodiqov – Oʻzbek musiqachisi, bastakori, aktyori va Bolalar guruhi solisti. Tohir Sodiqov Oʻzbekistonda xizmat koʻrsatgan artistdir[1]. Tohir Sodiqov „Bolalar“ guruhining uzoq yillardan beri qoʻshiqchisi, ashula yozuvchisi va bastakori boʻlib kelgan. Tohir Sodiqov xozirgacha „Nihol mukofoti“ va „Tarona“ kabi bir qancha nufuzli mukofotlar sohibidir[2]. U qoʻshiqlarini oʻzbek, rus va ingliz tillarida aytadi. Tohir Sodiqov Bolalar guruhi bilan AQShda konsert bergan va iTunesda albom chiqargan Oʻrta Osiyolik birinchi guruh hisoblanadi[3][4][5].
| Tohir Sodiqov | |
|---|---|
 Tohir Sodiqov 2018-yilda | |
| Umumiy maʼlumot | |
| Tavalludi |
1-iyul 1973-yil |
| Fuqaroligi | Oʻzbekiston |
| Guruh | Bolalar |
| Janr | Rok, pop |
| Amplua | Qoʻshiqchi, qoʻshiqnavis, produser, aktyor |
| Faoliyat yillari | 1989-bugun |
| Mukofotlari |
 |
Ijodi tahrir
Tohir Sodiqov musiqa maktabida oʻqimagan. Maktabda oʻqib yurgan chogʻlarida musiqaga ishtiyoqi tugʻilgan. Tohir Sodiqov va uning maktabdosh doʻstlari Ruslan Sharipov, Bahodir Poʻlatov va Javohir Zokirov 1989-yil Bolalar guruhiga asos solishgan. 1989-yil guruh Oʻzbekistonda „Bolalar“ deb nomlangan qoʻshiq bilan juda tez shuhrat qozongan[6]. Tohir Sodiqov Ravshan Sobirov va „Bojalar guruhiga“ prodyuserlik qilgan.
„Bolalar“ guruhi tahrir
Bolalar guruhining ilk tarkibida Bahodir Poʻlatov, Husan Sodiqov (Tohir Sodiqovning akasi), Javohir Zokirov, Nargiza Zokirova, Ruslan Sharipov, Tofiq Morduxayev, Toir Odilov va Tohir Sodiqovlar boʻlgan. Guruh aʼzolariga oʻzbek rock-n-roll qoʻshiqchisi Davron Gaipov va oʻsha paytda mashhur boʻlgan rus guruhi „Laskoviy May“ taʼsir koʻrsatishgan. „Laskoviy May“ va „Bolalar“ guruhlarini „90-yillarning afsonalari“ deb atashadi[7]. „Laskoviy May“ning qoʻshiqchisi boʻlgan Yuriy Shatunov va Tohir Sodiqov 2009-yil Toshkentda, Bolalar guruhining 20 yilligiga bahshlangan konsertda birga duet aytishgan.
„Bolalar“ guruhi 1990-yil 23-fevralda „Alpomish“ sport saroyida (hozirgi „Oʻzkoʻrgazmasavdo“ markazi) ilk marotaba katta sahnaga chiqqan. Guruhning ilk albomi „Esingdami seni“ albomidir. Bu albom 1990-yil yanvar oyida chiqarilgan. Ilk yillarda Ruslan Sharipov guruhning badiiy rahbari boʻlgan. 2007-yil 22-yanvarda guruhning „The Very Best of the Fontana Years“ („Fontana yillarining eng sarasi“) degan albomi iTunes musiqa magazinda chiqarildi. 2000-yillarda Bolalar guruhining koʻp aʼzolari birin-ketin guruhni tark etishdi. Ammo guruh aʼzolari onda-sonda birga qoʻshiq ijro etib turishadi. Tohir Sodiqov odatda ashulalarining soʻzini ham, musiqasini ham oʻzi yozadi[6].
Shaxsiy hayoti tahrir
.jpg)
Tohir Sodiqov 1973-yil 1-iyulda Toshkent shahrida tugʻilgan. Otasi Sodiqov Bahromjon Sobirovich Tohir Sodiqov yosh bolaligida vafot etadi. Onasi Sodiqova Gulnur Mansurovna Tohir Sodiqovni yolgʻiz katta qiladi. Tohir 1980-yildan 1990-yilgacha Toshkentdagi 41-maktabda oʻqiydi. Ikki qiz va bir oʻgʻli bor. Soʻnggi yillarida „Kelajak Records“ musiqa yozish studiyasiga asos solgan. „Sen ketgan kundan“ klipida oilasi yaʼni turmush oʻrtogʻi, ikki qizi bilan Tohir Sodiqov suratga tushgan. Shogirdi Ravshan Sobirov va Renat Sobirov Tohir Sodiqovning amakivachchalaridir. Amakisi Alimjon Sobirov (Ravshan Sobirovning otasi). Jiyanlari Bekzod va Safina (Ravshan Sobirovning farzandlari). Sakina Sobirova (Ravshan Sobirovning rafiqasi). Husan Sodiqov (Tohir Sodiqovning akasi).
Aktyorlik faoliyati tahrir
Tohir Sodiqov olti oʻzbek kinosida bosh rolni ijro etgan. Bular „Navroʻz ayyomi“, „Tohir va Zuhra yangi talqin 1, 2“, „Koʻzlaring maʼyus“, Jazo hamda Voy dod sumalak filmlaridir.
Filmografiyasi tahrir
Aktyor tahrir
| Yil | Film | Rol | Izoh |
|---|---|---|---|
| 1999 | Navroʻz ayyomi | Tohir | Musiqiy film |
| 2000 | Tohir va Zuhra yangi talqin | Tohir | Musiqiy film |
| 2005 | Koʻzlaring maʼyus | Sardor | |
| 2006 | Voy dod sumalak | Tohir | Musiqiy film |
| 2007 | Jazo | Tohir Sodiqov | Kameo |
| 2010 | Ada emas, dada! (Tohir va Zuhra 2 yangi talqin) | Tohir | Musiqiy film |
| 2017 | Bolalar | Tohir | Hujjatli film |
| Yil | Serial nomi | Rol | Izoh |
|---|---|---|---|
| 2015 | Bojalar drive | Tohir |
| Yil | Qoʻshiqchi | Ashula | Rol |
|---|---|---|---|
| 2000 | Yulduz Usmonova va Ruslan Sharipov | „Sevgilim“ | Tohir |
| 2001 | Yulduz Usmonova va Ruslan Sharipov | „Nozanin“ | Tohir |
| 2006 | Lola | „Qolaymi, ketaymi?“ | Tohir |
Manbalar tahrir
- ↑ „Bi-bi-si mehmoni - ...eng oʻziga xos estrada yulduzi Tohir Sodiqov“. BBCning oʻzbek xizmati (9-mart). Qaraldi: 2011-yil 13-may.
- ↑ „80-yillardan beri mashhur“. Darakchi. 24-dekabr 2013-yilda asl nusxadan arxivlangan. Qaraldi: 11-noyabr 2011.
- ↑ „„Bolalar“ning New Yorkdagi konserti (ingl.)“. Uzbek TV New York. Qaraldi: 2012-yil 13-may.
- ↑ Zokirov, Dilshod „„Bolalar“ning yubileyidan maxsus reportaj“. Shov-Shuv. 20-sentabr 2012-yilda asl nusxadan arxivlangan. Qaraldi: 2011-yil 13-may. (WebCite saytida 20-sentabr 2012-yil sanasida arxivlangan)
- ↑ „iTunes - Music - The Very Best of the Fontana Years by Bolalar (ingl.)“. Itunes.apple.com (22-yanvar 2007-yil). Qaraldi: 2012-yil 13-may.
- ↑ 6,0 6,1 „„Bolalar“ hamon repertuardan tushmayotir“. Ozodlik Radiosi. Qaraldi: 2011-yil 13-may.
- ↑ Turdaliyeva, Muhayyo „Tohir Sodiqov va Yuriy Shatunov: 90-yillar haqida (rus.)“. Ziyo Net. 4-iyun 2012-yilda asl nusxadan arxivlangan. Qaraldi: 2012-yil 13-may. (WebCite saytida 4-iyun 2012-yil sanasida arxivlangan)
Havolalar tahrir
| Wikimedia Commonsda Tohir Sodiqov mavzusiga oid fayllar bor. |
- http://www.bolalarmusic.uz (Wayback Machine saytida 16-noyabr 2011-yil sanasida arxivlangan)
- Tohir Sodiqov: „Mashhurlikdan tomimiz ketib qolgan“ (Wayback Machine saytida 7-may 2019-yil sanasida arxivlangan), vatandosh.uz