Plants vs. Zombies

Plants vs. Zombies — 2009-yilda PopCap Games tomonidan ishlab chiqilgan va taqdim etilgan „minora mudofaasi“ janridagi videooʻyin. Birinchi marta Windows va Mac OS X uchun chiqarilgan, va soʻngra oʻyin playstationlar va mobil qurilmalar uchun ham ishlab chiqarildi. Oʻyinchi zombi hujumi davrida uy egasi rolini oʻynaydi. Zombilar toʻdasi bir nechta parallel chiziqlar boʻylab yaqinlashganda, oʻyinchi oʻsimliklarni joylashtirish va zombilarga oʻq otish yoki boshqa yoʻllar bilan zarar yetkazishi kerak. Oʻyinchi oʻsimliklarni sotib olish uchun sun deb nomlangan valyutani yigʻadi. Agar zombi biron bir chiziq orqali uyga yetib kelgan taqdirda, bu oʻyinchi darajasiga salbiy taʼsir oʻtkazadi.

Plants vs. Zombies
Ishlab chiqaruvchi	PopCap Games
Nashir etuvchi	PopCap Games
Chiqarilgan sana	2009-yil 5-may Windows, macOS JAHON: May 5, 2009 iOS JAHON: February 15, 2010 (iPhone/iPod Touch) iOS (iPad)/iPadOS JAHON: April 5, 2010 Xbox 360 JAHON: September 8, 2010 Nintendo DS ShA: January 18, 2011 PAL: May 6, 2011 PlayStation Network JAHON: February 8, 2011 DSiWare ShA: March 14, 2011 PAL: May 6, 2011 Android JAHON: May 31, 2011 (Amazon Appstore) JAHON: December 14, 2011 (Google Play) Kindle Fire JAHON: November 14, 2011 Windows Phone JAHON: June 23, 2011 Nook HD JAHON: November 11, 2011 PlayStation Vita ShA: February 21, 2012 YE: February 22, 2012 BlackBerry 10 JAHON: January 30, 2013
Geymdizayner	George Fan
Dasturchi	Tod Semple
Ssenariy muallifi	Stephen Notley
Rassom	Rich Werner
Bastakor	Laura Shigihara
Oʻyin seriyasi	Plants vs. Zombies
Janr	Minora mudofaasi, Strategik
Platformalar	Microsoft Windows Mac OS X iOS/iPadOS Xbox 360 PlayStation 3 Nintendo DS DSiWare Android Windows Phone/Windows 10 Mobile PlayStation Vita BlackBerry Tablet OS BlackBerry 10
Oʻyin rejimlari	Yolgʻiz oʻyinchili, Jamoaviy

Oʻyin dizayni Jorj Fan tomonidan ishlab chiqilgan boʻlib, avval oʻzining Insaniquarium (2001) oʻyinining mudofaasi uchun ishlab chiqqan, soʻngra ulardan ushbu oʻyinda foydalanilgan. Oʻyin Magic: The Gathering, Warcraft III oʻyinlaridan va Swiss Family Robinson filmidan ilhomlangan tarzda ishlab chiqilgan. Plants vs. Zombies oʻyinini yaratish uch yarim yil vaqt oldi. Bosh rassom vazifasini Rich Werner uddalagan boʻlsa, Tod Semple oʻyinni dasturlashtirishdi, oʻyin musiqasi ustida esa Laura Shigihara ishladi. Turli xildagi oʻyinchilarni birdek qiziqtira olish maqsadida oʻyin qoʻllanmasi oddiy va tushunarli boʻlishi taʼminlangan.

Oʻyin tanqidchilar tomonidan ijobiy qabul qilindi va bir nechta mukofotlarga nomzod boʻldi. Jumladan, „Golden Joystick Awards“ taqdirlash marosimining 2010-yilgi tadbirida „Yilning eng koʻp yuklab olingan oʻyini“, „Yilning eng yaxshi strategik oʻyini“ nominatsiyatsiyalariga qoʻyildi. Oʻyinchilar oʻyin ichidagi soundtrek va geymplayning oʻyinni kulgili, badiiy va soddaligiga qoʻshgan hissasini yuqori baholadilar. 2009-yil may oyida chiqarilgandan soʻng, Bejeweled and Peggle oʻyinlaridan oʻtib ketib, PopCap Games tomonidan ishlab chiqilgan oʻyinlar orasida eng tez sotiladigan videooʻyin boʻldi. 2010-yilga kelib, u butun dunyo boʻylab milliondan ortiq nusxada sotildi. 2011-yilda PopCap Electronic Arts (EA) tomonidan sotib olinganidan soʻng lkompaniya Fan va boshqa 49 xodimni ishdan boʻshatdi, bu esa kompaniya mobil va ijtimoiy oʻyinlarga eʼtiborining oʻzgarganini koʻrsatdi. Sotib olingandan soʻng, oʻyinchilar tomonidan yaxshi qarshi olingan, „Plants vs. Zombies“ multimedia franshizasi oʻyinning ikkita davomiy qismi, uchta uchinchi-shaxs otishmalari janriga oid, ikkita komikslar seriyasi va bir nechta spin-off oʻyinlarini taqdim etdi.