Qirgʻiyburgut

Qirgʻiyburgut - yirtqich qush. Jan. Yevropa, Afrika, Jan. Osiyo (jumladan, Oʻrta Osiyo)da tarqalgan. Qanoti 46—52 sm, ogʻirligi 1,5—2,5 kg. Usti qoʻngʻir-kulrang, qorni oq yoki pushtiroq, mayda qora xollari bor. Tumshugʻi qora, oyogʻi sariq. Panjasi baquvvat, tirnoqlari mustahkam. Asosan, togʻli hududlarda yashaydi. Uyasini daraxt yoki qoyalarga yasaydi. Fev.da 1—3 ta tuxum qoʻyadi. Tuxumini ikkala jins navbat bilan 40 kun bosadi. Kaklik, tuvaloq, quyon, kalamush, sudralib yuruvchilar va baliklar bilan oziqlanadi. Ovchilik xoʻjaliklari va uy parrandalariga zarar yetkazadi.

Muhofaza maqomi
Kamayib ketish xavfi ostida (IUCN3.1)
Biologik klassifikatsiya
Urugʻ: Aquila Tur: fasciata
A. Fasciataning tarqalish areali
Kenja turlari
A. f. fasciata Vieillot, 1822 A. f. renschi (Stresemann, 1932)
Sinonimlari
Hieraaetus fasciatus Aquila fasciatus