Prazeodim

59	Prazeodim
Pr 140,9077
4f36s2

Prazeodim [yun. prasios — och yashil (tuzlarining rangiga koʻra) va dymos — egizak (bu nom kashf qilinish tarixi bilan bogʻliq), lotincha, Praseodymium], Rg — Mendeleyev davriy sistemasining 111 guruhiga mansub kimyoviy element. Tartib raqami 59, atom massasi 140,9077. Lantanoidlar jumlasidan. 1 ta turgʻun izotopi bor. Sunʼiy radioaktiv izotoplari olingan. Prazeodim monatsit, loparit, bastnezit va boshqa nodir-yer minerallarida boʻladi. Suyuqlanish temperaturasi 935°, zichligi 6,78 g/sm³. Birikmalarda 3 va-lentli. Prazeodim va uning birikmalari shisha va sirlarni boʻyashda, maxsus poʻlatlar va olovbardosh yengil qotishmalar ishlab chiqarishda qoʻllanadi.