Richard Dudley

Richard Clarence Dudley (talaffuzi: Richard Klarens Dadli) (1949-yil 31-yanvarda tugʻilgan) — kanadalik xokkey boʻyicha professional ijrochi, sobiq murabbiy va sobiq xokkeychi. Richard Dudley hozirda „Florida Panthers“ xokkey klubida katta maslahatchi boʻlib ishlamoqda. Richard Dudley ilgari „Tampa Bay Lightning“, „Chicago Blackhawks“, „Atlanta Thrashers“, „Toronto Maple Leafs“, „Montreal Canadiens“ va „Carolina Hurricanes“ kabi xokkey klublarida ijrochi lavozimida ishlagan. Richard Dudley, shuningdek , Milliy xokkey ligasi, Amerika xokkey ligasi va Xalqaro xokkey ligasida bosh murabbiy boʻlib faoliyat olib borgan. Richard Dudley Butunjahon xokkey assotsiatsiyasida va Milliy xokkey ligasida oʻynagan.

Richard Dudley
Tugʻilgan joyi	31-yanvar 1949-yil (1949-01-31) Toronto, Ontario, Kanada
Boʻyi	6 ft 0 in (183 cm)
Ogʻirligi	190 lb (86 kg; 13 st 8 lb)
Pozitsiyasi	hujumchi
Oʻynagan jamoalari	Buffalo Sabres Cincinnati Stingers Winnipeg Jets
Jamoalardagi faoliyat	1972—1981

Oʻyin faoliyati

Torontoning Ontario shahrida tugʻilgan Richard Dudley oʻyinchilik faoliyatini 1972—1973-yillarda Milliy xokkey ligasi (NHL) vakili „Buffalo Sabres“ xokkey jamoasida boshlagan. Richard Dudley klub safida 1975—1976-yillardagi mavsumgacha oʻynagan. Shundan soʻng, Richard Dudley „Cincinnati Stingers“ xokkey klubi safida toʻrt mavsum oʻynagan. 1979-yil 4-fevralda „Cincinnati Stingers“ xokkey klubi Richard Dudleyni NHL vakili „Buffalo Sabres“ xokkey klubi aʼzosiga almashtirdi. Shundan keyin, Richard Dudley klub safida 1980—1981-yilgi mavsumgacha faoliyat olib bordi. Richard Dudley 1981—1982-yilgi mavsumni Amerika xokkey ligasida „Fredericton Express“ xokkey jamoasi safida oʻtkazdi.

Richard Dudley Cincinnati xokkey shon-sharaf zali aʼzosi hisoblanadi. Richard Dudley, shuningdek, 1974-yilda Milliy Lakros ligasi vakili „Rochester Golden Griffins“ xokkey klubida oʻynagan. Richard Dudley bir vaqtlar „ To Tell the Truth (tarjimasi: Haqiqatni aytish)“ televizion oʻyin koʻrsatuvida ikkita sport turi bilan shugʻullanadigan professional sifatida ishtirok etgan. Mavsum boshida NHL pley-offi va mavsum oxirida „Buffalo Sabres“ xokkey klubining mashgʻulotlari tufayli oʻnlab oʻyinlarni oʻtkazib yuborganiga qaramay, Richard Dudley ligada gol urish boʻyicha oltinchi oʻrinni egallashga muvaffaq boʻldi.

Murabbiylik faoliyati

Oʻyinchi sifatida nafaqaga chiqqandan soʻng, Richard Dudley Cincinnatidagi oʻyin kunlaridan tanish boʻlgan Dave Guskyga qoʻngʻiroq qildi. Gusky Shimoliy Karolina shtatining Winston-Salem shahridagi „Winston-Salem Thunderbirds“ xokkey jamoasining egasi edi. Jamoa oʻzining birinchi mavsumida ancha yomon koʻrsatkichlar koʻrsatayotgan edi va Gusky pul yoʻqotib, yordamga muhtoj edi. Richard Dudley dastlab jamoani baholash uchun jamoada bir necha hafta qolishni rejalashtirgandi, lekin agar u jamoani tark etsa, jamoaning ahvoli yomon boʻlishini tushundi va u ketmaslikka qaror qildi. Richard Dudley doʻstiga jamoada qolishini va Gusky uchun franchayzingni sotishga harakat qilishni va agar bu ish bermasa, jamoani oʻzi sotib olishini taklif qildi. 1981-1982-yilgi mavsum oxirida Richard Dudley jamoani Guskydan taxminan 100 000 dollarga sotib oldi. Shundan soʻng, Richard Dudley jamoaning egasi, GM va murabbiyiga aylandi. Richard Dudley jamoa nomini „Winston-Salem Thunderbirds“dan „Carolina Thunderbirds“ nomiga oʻzgartirdi. Richard Dudley jamoa bilan muntazam shugʻullana boshladi va jamoaning koʻrsatkichlari yaxshilana boshladi. Shundan soʻng, „Carolina Thunderbirds“ xokkey jamoasi muntazam mavsumda 196-58-12 natijasiga ega boʻlib, ketma-ket toʻrtta ACHL muntazam chempionligini qoʻlga kiritdi. Richard Dudley murabbiyligi davrida jamoa ligada yetakchilik qildi. Richard Dudley jamoani uch marta ACHL chempioniga aylantirdi. Toʻrtinchi yil ichida yana bir final oʻyinida imkoniyatni boy berdi. „Carolina Thunderbirds“ xokkey klubini tark etganidan song, Richard Dudley Xalqaro xokkey ligasi vakili „Flint Spirits“ xokkey klubi bosh murabbiyi boʻldi.

Richard Dudley, shuningdek, 1989—1990-yilgi mavsumda „Buffalo Sabres“ xokkey klubining bosh murabbiyi etib tayinlandi. Bundan oldin Richard Dudley Xalqaro xokkey ligasi (IHL) va Amerika xokkey ligasidagi (AHL) koʻpgina jamoalarga murabbiylik qildi. IHLda murabbiylik qilayotganda, 1988-yilda Richard Dudley Yilning eng yaxshi murabbiyi uchun Komissarlik kubogini qoʻlga kiritdi. Richard Dudley 1991—1992-yillarda ishdan boʻshatilgunga qadar „Buffalo Sabres“ xokkey klubiga uch mavsum murabbiylik qildi. Keyin Richard Dudley keyingi toʻrt mavsumni IHLda uchta jamoaga murabbiylik qilib oʻtkazdi. 2003—2004-yilgi mavsumda Richard Dudley „Florida Panthers“ xokkey klubining yordamchi murabbiyi boʻlib faoliyat olib bordi.

Ijrochilik faoliyati

1998-yilning yozida Richard Dudley 1998—1999-yilgi mavsum uchun „Ottawa Senators“ xokkey klubining bosh menejeri lavozimiga ishga qabul qilindi. Shundan soʻng, Richard Dudley keyingi mavsumda „Tampa Bay Lightning“ xokkey klubi safiga ishga qabul qilindi. Richard Dudley 2002-yil fevral oyida 'Tampa Bay Lightning" xokkey klubini tark etdi va oʻsha yilning may oyida „Florida Panthers“ bosh direktori lavozimini egalladi. Ikki yil oʻtgach, Richard Dudley „Florida Panthers“ xokkey klubini tark etdi. Shundan keyin, Richard Dudley „Chicago Blackhawks“ xokkey klubi safiga xokkey boʻyicha maslahatchi lavozimiga qabul qilindi. 2006-yilda Richard Dudley xokkey boʻyicha maslahatchi lavozimidan bosh direktor yordamchisi darajasiga koʻtarildi.

2009-yil 18-iyunda Richard Dudley „Chicago Blackhawks“ xokkey klubini tark etdi. Keyin Richard Dudley „Atlanta Thrashers“ xokkey klubi safiga GM yordamchisi sifatida qoʻshildi. 2010-yil 14-aprelda Richard Dudley klub prezidenti bo‘lgan Don Waddell o‘rniga bosh direktor etib tayinlandi. 2010-yilning 1-iyulida erkin agentlik boshlanganda, oʻzining yangi lavozimiga joylashib olganidan koʻp oʻtmay, Richard Dudley agressiv tarzda toʻrt nafar oʻyinchini, jumladan, Dustin Byfuglien, Andrew Ladd va yordamchi murabbiy John Torchettini 2010-yilgi Stanley kubogi chempioni „Chikago Blackhawks“ xokkey klubi safidan oʻz jamoasi safiga qoʻshib oldi. Richard Dudley 2011-yilda jamoani tark etib, „Winnipeg Jets“ xokkey klubi safiga qoʻshildi.

Richard Dudley 2011-yil 24-iyun kuni „Toronto Maple Leafs“ xokkey klubining boshqaruv jamoasiga o‘yinchilar bo‘yicha direktor sifatida qo‘shildi. Bir yil oʻtgach, 2012-yil 25-mayda Richard Dudley „Montreal Canadiens“ xokkey klubi bosh direktori yordamchisi lavozimiga tayinlandi. Jamoaning bu harakatni eʼlon qilgan rasmiy press-relizida „Montreal Canadiens“ xokkey klubi bosh direktori Marc Bergevin shunday dedi: „Richard Dudley xokkey boʻyicha juda bilimdon va malakali boshqaruvchi va biz uni tashkilotimizda bosh direktor yordamchisi lavozimida kutib olishdan mamnunmiz“. 2014—2015-yilgi NHL mavsumi oldidan Richard Dudley „Montreal Canadiens“ xokkey klubi boshqaruv tarkibida xokkey operatsiyalari boʻyicha katta vitse-prezident lavozimiga tayinlandi.

2018-yil may oyida Richard Dudley „Carolina Hurricanes“ xokkey klubining boshqaruv jamoasiga xokkey operatsiyalari boʻyicha katta vitse-prezident sifatida qoʻshildi va yana bir bor Don Waddell bilan faoliyati kesishdi. „Carolina Hurricanes“ xokkey klubidagi ikki mavsumdan soʻng, Richard Dudley 2020-yil 15-sentabrda „Florida Panthers“ xokkey jamoasiga bosh direktorning katta maslahatchisi sifatida ishga qabul qilindi.

Faoliyat statistikasi

Muntazam mavsum va pley-off oʻyinlari

				Muntazam mavsum						Pley-off oʻyinlari
Mavsum	Klub	Liga		Oʻyin	Gol	Golli uzatma	Ochko	Penalti		Oʻyin	Gol	Golli uzatma	Ochko	Penalti
1968—1969	Dixie Beehives	OHA-B		—	—	—	—	—		—	—	—	—	—
1968—1969	St. Catharines Black Hawks	OHA		26	8	7	15	43		16	2	1	3	46
1969—1970	Iowa Stars	CHL		26	3	3	6	36		11	0	3	3	4
1970—1971	Cleveland Barons	AHL		16	1	0	1	2		—	—	—	—	—
1970—1971	Flint Generals	IHL		15	1	5	6	30		—	—	—	—	—
1971—1972	Cincinnati Swords	AHL		51	6	23	29	272		9	0	4	4	58
1972—1973	Cincinnati Swords	AHL		64	40	44	84	159		15	7	15	22	56
1972—1973	Buffalo Sabres	NHL		6	0	1	1	7		—	—	—	—	—
1973—1974	Buffalo Sabres	NHL		67	13	13	26	71		—	—	—	—	—
1974—1975	Buffalo Sabres	NHL		78	31	39	70	116		10	3	1	4	26
1975—1976	Cincinnati Stingers	WHA		74	43	38	81	156		—	—	—	—	—
1976—1977	Cincinnati Stingers	WHA		77	41	47	88	102		4	0	1	1	7
1977—1978	Cincinnati Stingers	WHA		72	30	41	71	156		—	—	—	—	—
1978—1979	Cincinnati Stingers	WHA		47	17	20	37	102		—	—	—	—	—
1978—1979	Buffalo Sabres	NHL		24	5	6	11	2		3	1	1	2	2
1979—1980	Buffalo Sabres	NHL		66	11	22	33	58		—	—	—	—	—
1980—1981	Buffalo Sabres	NHL		38	10	13	23	10		—	—	—	—	—
1980—1981	Winnipeg Jets	NHL		30	5	5	10	28		—	—	—	—	—
1981—1982	Fredericton Express	AHL		7	1	3	4	30		—	—	—	—	—
WHA jami				270	131	146	277	516		4	0	1	1	7
NHL jami				309	75	99	174	292		25	7	2	9	69

Murabbiylik faoliyati

Yil	Muntazam mavsum					Mavsumdan keyin
	Oʻyin	Gʻalaba	Magʻlubiyat	Durang	Natija	Gʻalaba	Magʻlubiyat	Gʻalaba % da	Natija
1989—1990	80	45	27	8	2-oʻrin	2	4	. 333	Birinchi raundda magʻlub boʻldi
1990—1991	80	31	30	19	3-oʻrin	2	4	. 333	Birinchi raundda magʻlub boʻldi
1991—1992	28	9	15	4	3-oʻrin	-	-	-	(ishdan boʻshatilgan)
2003—2004	40	13	15	9	4-oʻrin	-	-	-	(yordamchi murabbiy roliga qaytdi)
Jami	228	98	87	40

Havolalar

• Richard Dudley haqidagi maʼlumotlarni NHL.com,  Eliteprospects.com,  Hockey-Reference.com,  The Internet Hockey Database saytlaridan olishingiz mumkin

Oʻtmishdoshi: Robbie Ftorek	New Haven Nighthawks klubi bosh murabbiyi 1988—1989	Vorisi: Marcel Comeau
Oʻtmishdoshi: Ted Sator	Buffalo Sabres klubi bosh murabbiyi 1989—1991	Vorisi: John Muckler
Oʻtmishdoshi: Don Waddell	San Diego Gulls klubi bosh murabbiyi 1992—1993	Vorisi: Harold Snepsts
Oʻtmishdoshi: Tim Bothwell	Phoenix Roadrunners klubi bosh murabbiyi 1994	Vorisi: Rob Laird
Oʻtmishdoshi: —	Detroit Vipers klubi bosh murabbiyi 1994—1996	Vorisi: Steve Ludzik
Oʻtmishdoshi: Pierre Gauthier	Ottawa Senators klubining bosh menejeri 1998—1999	Vorisi: Marshall Johnston
Oʻtmishdoshi: Jacques Demers	Tampa Bay Lightning klubining bosh menejeri 1999—2002	Vorisi: Jay Feaster
Oʻtmishdoshi: Chuck Fletcher	Florida Panthers klubining bosh menejeri 2002—2004	Vorisi: Mike Keenan
Oʻtmishdoshi: Mike Keenan	Florida Panthers klubining bosh murabbiyi 2003—2004	Vorisi: John Torchetti
Oʻtmishdoshi: Don Waddell	Atlanta Thrashers klubining bosh menejeri 2010—2011	Vorisi: Kevin Cheveldayoff (Winnipeg Jets)