Romanovning uch yuz yilligi (Fabergé tuxumi)
Romanovning uch yuz yilligi tuxumi — 1913-yilda rus zargari Peter Carl Fabergé rahbarligida Rossiya podshosi Nikolay II uchun qilingan zargarlik buyumlari bilan bezatilgan Pasxa tuxumi. Fabergé tuxumini Nikolay II oʻzining rafiqasi qirolicha Alexandra Feodorovnaga Pasxa sovgʻasi sifatida taqdim etgan. Hozirda Romanovning uch yuz yilligi tuxumi Moskvadagi Kreml qurol-yarogʻ muzeyida saqlanadi.
| Romanovning uch yuz yilligi Fabergé tuxumi | |
|---|---|
 | |
| Yetkazib berilgan yil | 1913 |
| Mijoz | Nikolay II |
| Qabul qiluvchi | Alexandra Feodorovna |
| Amaldagi egasi | |
| Individual yoki muassasa | Kreml qurol-yarog' muzeyi, Moskva |
| Sotib olish yili | - |
| Dizayn va materiallari | |
| Ish ustasi | Henrik Wigström |
| Foydalanilgan materiallar | Oltin, emal, kumush, olmos,rok kristal |
| Boʻyi | 190 mm |
| Eni | 78 mm |
| Oʻziga xos xususiyati | Tarixiy va zamonaviy Rossiya hududining aylanuvchi globusi |
Dizayni
tahrirRomanovning uch yuz yilligi tuxumi oltin, kumush, olmos, feruza, purpurin, rok kristall, shishasimon emal va akvarel boʻyoqlaridan yasalgan. Romanovning uch yuz yilligi tuxumining balandligi 190 mm va diametri 78 mm. Tuxum Romanovlar sulolasining 300 yilligini, 1613-yildan 1913-yilgacha Romanovlar hukmronligining uch yuz yilligini nishonlash uchun tayyorlangan. Romanovning uch yuz yilligi tuxumining tashqi yuzasida Rossiyadagi Romanov podsholarining oʻn sakkizta portreti mavjud. Tuxum ikki boshli burgutlar, shuningdek, podshohlarning portretlarini oʻrab turgan oʻtmish va hozirgi Romanov podsholari tojlari bilan bezatilgan. Miniatyurachi Vassily Zuiev tomonidan chizilgan har bir miniatyura portreti fil suyagidan yasalgan. Romanovning uch yuz yilligi tuxumining ichki qismi opalescent oq emal bilan qoplangan. Tuxum oltin rangdagi imperatorning ikki boshli burguti tasvirlangan poydevorda joylashtirilgan. Ikki boshli burgutning uchta panjasi imperator asosi, shar va Romanov qilichini ushlab turadi[1].
Romanovning uch yuz yilligi tuxumining yuza qismidagi portretlarda 1613-yilda Romanovlar sulolasiga asos solgan Michael, shuningdek , Buyuk Pyotr (1682-1725), Buyuk Catherine (1762-1796) va 1913-yildagi podshoh Nikolay II ning oʻzi [2] va jami 18 ta hukmdorlar portretlari tasvirlangan[3].
Oʻziga xos xususiyati
tahrirRomanovning uch yuz yilligi tuxumining oʻziga xos xosligi quyuq koʻk emal, rang-barang oltin va poʻlatdan yasalgan aylanuvchi globus hisoblanadi. Globusning bir yarim sharida 1613-yilda podshoh Michael boshqaruvidagi Rossiya hududi, qarama-qarshi tomonda esa 1913-yilda Nikolay II davridagi Rossiya hududi tasvirlangan. Toʻq koʻk emal okeanning hududlarini belgilaydi, quruqlik esa rangli oltin ranglarda tasvirlangan[4].
Tarixi
tahrir1917-yilda Romanovning uch yuz yilligi tuxumi Rossiya inqilobi davrida Muvaqqat hukumat tomonidan boshqa koʻplab imperator xazinalari bilan birga musodara qilindi. Tuxum Anichkov saroyidan Moskvadagi Kreml qurol-yarogʻiga olib borildi va u yerda saqlandi[5]. Romanovning uch yuz yilligi tuxumi Kreml qurol-yarogʻi kolleksiyasidagi oʻnta Fabergé tuxumidan biri hisoblanadi. Boshqalar: Azov xotirasi tuxumi (1881), Zambaklar guldastasi soati tuxumi (1899), Trans-Sibir temir yoʻli tuxumi (1900), Beda yaprog'i tuxumi (1902), Moskva Kremli tuxumi (1906), Standart yaxtasi tuxum (1909), Aleksandr III otliq tuxumi (1910), Alexander saroyi tuxumi (1908), Chelik Harbiy tuxumi (1916). [6]
Yana qarang
tahrir- Tuxumni bezash,en
- Tsarevich (Fabergé tuxumi),en
- Qizil Xoch bilan imperator portretlari,en
- Romanovning uch yuz yilligi,en
Manbalar
tahrir- ↑ „Romanov Tercentenary Egg“. The Alexander Palace Time Machine. Pallasart. Qaraldi: 2009-yil 16-dekabr.
- ↑ „1913 Romanov Tercentenary Egg“. Mieks Faberge Eggs. Qaraldi: 2016-yil 28-may.
- ↑ „1913 Romanov Tercentenary Egg“. Mieks Faberge Eggs. Qaraldi: 2016-yil 28-may.
- ↑ „Romanov Tercentenary Egg“. The Alexander Palace Time Machine. Pallasart. Qaraldi: 2009-yil 16-dekabr.
- ↑ „1913 Romanov Tercentenary Egg“. Mieks Faberge Eggs. Qaraldi: 2016-yil 28-may.
- ↑ PBS, Faberge Eggs. Current Whereabouts of the Fifty Imperial Faberge Eggs. December 14, 2009. pbs.org/treasuresoftheworld