Saeid Mollaei
Saeid Mollaei (forscha: سعید ملایی; tugʻ. 1992-yil 5-yanvar, Tehron, Eron) — ozarbayjonlik, eronlik va mongoliyalik dzudochi,[1] 81 kg gacha vazn toifasida, Ozarbayjon terma jamoasi aʼzosi (2022-yil 2-may). Jahon chempioni, Yozgi Osiyo oʻyinlari va dzudo boʻyicha Osiyo chempionati sovrindori. 2016-yilgi Yozgi Olimpiada oʻyinlari ishtirokchi va 2020-yilgi Yozgi Olimpiada oʻyinlari kumush medali sovrindori.
| Saeid Mollaei | |
|---|---|
 Saeid Mollaei 2018-yilgi Yozgi Osiyo oʻyinlarida | |
| Shaxsiy maʼlumotlari | |
| Jinsi | erkak |
| Tavallud paytidagi ismi | forscha: سعید ملایی |
| Fuqaroligi |
 Eron → Mongoliya → Ozarbayjon |
| Tavallud sanasi |
5-yanvar 1992-yil Tehron, Eron |
| Vazni | 81 kg gacha |
| Sport | |
| Qaysi sport | dzudo |
| Sport mukofotlari | ||
|---|---|---|
| Eron terma jamoasi | ||
| Dzudo bo'yicha Jahon chempionati | ||
| Bronza | Budapesht 2017 | 81 kg |
| Oltin | Boku 2018 | 81 kg |
| Yozgi Osiyo oʻyinlari | ||
| Kumush | Jakarta 2018 | 81 kg |
| Dzudo bo'yicha Osiyo chempionati | ||
| Bronza | Kuvayt 2015 | 81 kg |
| Bronza | Toshkent 2016 | 81 kg |
| Kumush | Hong Kong 2017 | 81 kg |
| Islom birdamlik oʻyinlari | ||
| Oltin | Boku 2017 | 81 kg |
| Sport mukofotlari | ||
|---|---|---|
| Mongoliya terma jamoasi | ||
| Yozgi Olimpiada oʻyinlari | ||
| Kumush | Tokio 2020 | 81 kg |
| Dzudo bo'yicha Osiyo chempionati | ||
| Bronza | Bishkek 2021 | 81 kg |
Faoliyati tahrir
2015 va 2016-yillarda dzudo boʻyicha Osiyo chempionatida 81 kg gacha vazn toifasida bronza medalini qoʻlga kiritgan. 2016-yilda Rio-de-Janeyroda (Braziliya) Yozgi Olimpiada oʻyinlarida u 81 kg gacha vazn toifasida qatnashgan, biroq birinchi bosqichda rossiyalik Xasan Xalmurzayevga yutqazgan.
2017-yilda Budapeshtda (Vengriya) boʻlib oʻtgan Jahon chempionatida u bronza medali sohibiga aylandi.[2] 2018-yilda avgust oyida Jakartada (Indoneziya) boʻlib oʻtgan Yozgi Osiyo oʻyinlarida kumush medalni qoʻlga kiritdi. Oʻsha yili Bokuda (Ozarbayjon) boʻlib oʻtgan Jahon chempionatida 81 kg gacha vazn toifasida oltin medalni qoʻlga kiritdi — Jahon chempionatlarida birinchi.[3]
Tokioda (Yaponiya) boʻlib oʻtgan 2019-yilgi Jahon chempionatida u yana Eron uchun kurashdan bosh tortdi va Olimpiada bayrog'i ostida qatnashishini eʼlon qilib. Shundan soʻng u Xalqaro dzyudo federatsiyasi prezidenti Marius Vizerga Eron hukumati keyingi bosqichda isroillik Sagi Muki bilan toʻqnash kelmaslik uchun yarim finalda belgiyalik Matias Kasseni magʻlub etishni buyurgani haqida shikoyat qildi. Isroil Madaniyat va sport vaziri Miri Regev Muki va Mollaei oʻrtasida alohida oʻyin tashkil etishga tayyorligini maʼlum qildi.[4][5] Sagi Saeidga hamdardlik bildirdi va unga qarshi chiqishdan xursand boʻlishini aytdi.[6]
2019-yil Tokiodagi Jahon chempionatidan soʻng Saeid Mollaei Eron terma jamoasida oʻynashdan bosh tortdi va tez orada Germaniyadan siyosiy boshpana oldi. 2019-yil dekabr oyida sportchi Mongoliya pasportini oldi. 2020-yilning mart oyidan boshlab dzudochi Xalqaro olimpiya qoʻmitasi (XOQ) qarori bilan Mongoliya bayrogʻi ostida musobaqalarda qatnashmoqda.[7]
2021-yilda Tokioda boʻlib oʻtgan Yozgi Olimpiada oʻyinlarining birinchi kunida 81 kg gacha vazn toifasida Saeid Mollaei finalga chiqdi va u erda yaponiyalik Takanori Nagasega yutqazib, Olimpiada kumush medalini qoʻlga kiritdi.[8] Oʻsha yili Bishkekda (Qirgʻiziston) dzudo boʻyicha Osiyo chempionatida 81 kg gacha vazn toifasida bronza medalini qoʻlga kiritgan.
2022-yil 2-mayda u yana sport fuqaroligini oʻzgartirdi va Ozarbayjon terma jamoasida oʻynash huquqini oldi. Mollaei Ozarbayjon terma jamoasiga oʻtganini quyidagicha izohladi:
Mongoliya bilan shartnomani yakunlaganimdan so'ng Ozarbayjon federatsiyasiga ariza topshirdim va ular o'z vatanim safida o'ynashidan xursandman. Oldinda Jahon va Yevropa chempionatlari, 2024-yilgi Yozgi Olimpiada oʻyinlari. Yuqori natijalarga erishish uchun bor kuchimni ishga solaman.[9]
Manbalar tahrir
- ↑ AZE. „Чемпион мира по дзюдо: я – азербайджанец из Ирана. ВИДЕО“ (en-US). AZE.az (2018-yil 1-oktyabr). Qaraldi: 2022-yil 4-may.
- ↑ „L'Allemand Alexander Wieczerzak sacré en -81 kg“ (fr). Sport24 (31-avgust). Qaraldi: 2018-yil 21-oktyabr.
- ↑ Rédaction. „Championnats du monde: Mollaei piège Fujiwara“ (fr). L'ÉQUIPE. Qaraldi: 2018-yil 21-oktyabr.
- ↑ https://www.timesofisrael.com/iran-judoka-forced-to-throw-match-to-avoid-israeli-refuses-to-compete-for-iran/
- ↑ https://en.radiofarda.com/a/iran-s-judo-star-seeking-asylum-in-germany-after-pressure-not-to-compete-with-an-israeli/30139180.html
- ↑ https://www.jpost.com/israel-news/world-champion-muki-speaks-out-about-iranian-judokas-plight-600338
- ↑ „Иранского дзюдоиста заставляли отказаться от поединка с израильтянином. Теперь он сам приехал в Израиль“.
- ↑ https://www.olympedia.org/athletes/134476
- ↑ Международная федерация разрешила Моллаи выступать за Азербайджан