Sejong universiteti
Sejong universiteti (SJU) — Janubiy Koreyaning Seul shahrida joylashgan xususiy universitet boʻlib, mehmonxona va turizmni boshqarish, raqs, animatsiya va badiiy gimnastika boʻyicha oʻzining nufuzi bilan mashhur. Dastlab Kyung Sung gumanitar instituti sifatida tashkil etilgan bo'lib, u 1978-yilda Joseon sulolasining to'rtinchi qiroli va koreys alifbosi hangulni yaratish bo'yicha nazoratchi Sejong sharafiga hozirgi nomiga o'zgartirildi. Sejong universitetida to‘qqizta kollej bor: san’at kolleji, ijtimoiy fanlar kolleji, biznes boshqaruvi kolleji, mehmonxona va turizm menejmenti kolleji, tabiiy fanlar kolleji,elektronika va axborot muhandisligi kolleji, muhandislik kolleji, san'at va jismoniy tarbiya kolleji, umumta'lim fakulteti va yettita aspiranturaga ega.
| Sejong universiteti | |
|---|---|
 | |
| Asl nomi | 세종대학교 |
| Asos solingan | 1940 |
| Oʻquv yurti turi | xususiy |
| Prezident | Yoon Suk-yeol |
| Rektori | Shin Koo |
| Talabalari | 16,121 ta |
| Fakultetlar | 418 ta |
| Kampusi | Seoul |
| Vebsayti | http://www.sejong.ac.kr |
Koordinatalari: 37°33′2.9987999999901″N 127°4′26.000399999979″E / 37.550832999999997242°N 127.07388899999999410°E G O
Tarixi tahrir
Sejong universiteti tarixi 1940-yilning may oyida Kyung Sung gumanitar institutiga doktor Youngha Choo va doktor Okja Choi tomonidan asos solinishi bilan boshlangan. 1947–yilda institut ayollar uchun Seul oʻqituvchilar tayyorlash institutiga aylandi, uning birinchi direktori doktor Choo edi; keyingi yili u qayta tashkil etildi va kichik kollejga aylandi.Kollej 1961-yilda toʻrt yillik oʻquv yurtiga aylandi va 1962-yilda Kunja-dongdagi hozirgi kampusiga ko'chib o'tdi. 1966-yilda aspirantura tashkil etildi. 1973-yilda asoschilarning koreys qadimiy buyumlari kolleksiyasini saqlash uchun tashkil etilgan Sudo muzeyi (hozirgi Sejong universiteti muzeyi) jamoatchilikka o‘z eshiklarini ochdi. 1979-yilda Soodo ayol oʻqituvchilar tayyorlash kolleji oʻz nomini Sejong kollejiga o'zgartirdi va birinchi marta erkaklarni qabul qildi. 2001-yilda Koreya fan va madaniyat jamg‘armasi bilan hamkorlik aloqalari o‘rnatildi. Ingliz tilida o'qitiladigan ikkita yangi dastur ochildi: Osiyo tadqiqotlari bo'yicha magistratura dasturi va Amerika Qo'shma Shtatlaridagi Sejong universiteti va Sirakuza universiteti tomonidan birgalikda boshqariladigan Global MBA dasturi. 2002–yil yanvar oyida Koreyaning 30 ta yirik firmalari rahbarlaridan iborat uiversitetni rivojlantirish bo'yicha maslahat kengashi tashkil etildi.
Xalqaro dasturlar tahrir
Talaba almashinuv dasturlari [1]
Ikki darajali dasturlar (Vinchester universiteti, Buyuk Britaniya; Shanxay Jiao Tong universiteti, Xitoy)
Sejong-Syracuse qo'shma MBA dasturi (Sirakuza universiteti, AQSh)
Yozgi dastur (Jonson va Uels universiteti, AQSH)
Qisqa muddatli til dasturi (Maryl Hurst universiteti, AQSH; Vinchester universiteti, Buyuk Britaniya)
Reytingi tahrir
2001-yilda JoongAng Daily (Koreyaning asosiy gazetalaridan biri), Sejongni Janubiy Koreyadagi 123 ta universitet orasidan "Eng yaxshi takomillashtirilgan universitet" deb topdi. Daily oʻzining 2002-yilgi universitetlar reytingi roʻyxatida universitetni 16-oʻringa qo'ydi. 2008- yilda universitet Daily jurnali tomonidan universitetlar orasida 9-oʻrinni va fakultetning ilmiy yutuqlari bo'yicha 4-oʻrinni egalladi[2]. 2007-yil aprel oyida universitetning biznes boshqaruvi kafedrasi Seul Milliy Universiteti, Koreya Universiteti va KAISTdan keyingi mamlakatda akkreditatsiya qilingan biznes maktabi boʻldi.[3][4].
2010-yilgi QS Osiyo universitetlari reytingida Sejong universiteti Osiyodagi universitetlar orasida 181-oʻrinni va Koreyada 39-oʻrinni egalladi[5].
Manbalar tahrir
- ↑ „Sejong University“. www.sejong.ac.kr. 2008-yil 17-avgustda asl nusxadan arxivlangan. Qaraldi: 2022-yil 12-yanvar.
- ↑ Sejong Today „세종사이버홍보관 > 세종투데이 > 세종대, 중앙일보 '2008 대학평가'에서 생명공학과 평판도, 교수 연구 부문에서 우수한 평가 받아“. 2011-yil 22-iyulda asl nusxadan arxivlangan. Qaraldi: 2011-yil 10-yanvar.
- ↑ Sejong News „세종사이버홍보관 > 세종투데이 > 세계로 비상하는 세종대학교“. 2011-yil 22-iyulda asl nusxadan arxivlangan. Qaraldi: 2011-yil 10-yanvar.
- ↑ Whitman School of Management News Room "Sejong-Syracuse MBA Program Gets Boost from AACSB" http://whitman.syr.edu/newsroom/news.aspx?id=686 (Wayback Machine saytida 2018-09-04 sanasida arxivlangan)
- ↑ QS Top Universities: Asian University Rankings 2010 -Top 200 http://www.topuniversities.com/university-rankings/asian-university-rankings/2010