Semyon Zlotnikov

Semyon Isaakovich Zlotnikov (1945-yil 18-sentyabr, Samarqand, Oʻzbekiston SSR, SSSR) – dramaturg, rejissyor, ssenariynavis.

Semyon Zlotnikov
Tavalludi	18-sentyabr 1945-yil Samarqand, Oʻzbekiston SSR, SSSR
Fuqaroligi	SSSR→ Rossiya

Biografiyasi

Semyon Isaakovich Zlotnikov 1945-yil 18-sentyabr kuni Oʻzbekiston SSR ga qarashli boʻlgan Samarqand viloyatida tugʻiladi. Samarqandda oʻrta taʼlimni olgach, 1960-yil Toshkent davlat universitetining rus filologiyasi fakultetiga qabul qilinadi. 1964-yil universitetni muvaffaqiyatli bitiradi.

Semyon Zlotnikov 1969-yildan Toshkent shahridagi gazeta nashriyotlarida ishlashni boshlaydi. Semyon Zlotnikov 1971-yil Toshkentdan Leningradga koʻchib bordi. 1972-yildan 1984-yilgacha Leningradda, 1984-yildan 1986-yilgacha Moskvadagi turli nashriyotlarda ishlagan. Semyon Zlotnikovning ilk pyesalari („Antoninaning taqdiri“, „Hammasi yaxshi boʻladi“) 1977-yili Leningrad davlat teatrida sahnalashtiriladi. Keyingi pyesalari esa 1978-yil esa Moskvadagi „Ermitaj“ teatrida, „Taganka“ teatrida, „Pushkin“ teatrlarida sahnalashtirilgan. Semyon Zlotnikovning pyesalari 15 dan ortiq davlatlarda sahnalashtirilgan: Polsha, Germaniya, Fransiya, Norvegiya, Daniya, Shveytsariya, Yaponiya, Isroil, Bolgariya, Avstriya, AQSH, Avstraliya va boshqa davlatlar. Hozirda Semyon Zlotnikov Isroilda istiqomat qiladi hamda „Kovcheg“ teatrida faoliyat yuritadi.

Pyesalari

Semyon Zlotnikovning pyesalari turli yillarda, turli teatrlarda sahnalashtirildi. 1976-yili „Antoninaning taqdiri“, 1977-yili „Hammasi yaxshi boʻladi“, 1978-yili „Sahnadagi favvora“, 1980-yili „Jamoa“, 1981-yili „Gʻoyib boʻlishdan keyingi 4 kun“, 1986-yili „Gʻalati hayot“, 1993-yil „Mutantlar“, 1994-yil „Yolgʻizlar ishqi“, 2001-yili „Ivan va Sara“, 2004-yili „Hayot chizigʻi“, 2017-yili „Auksion“ hamda 2020-yili „Soʻnggi parvoz“ nomli pyesalari dunyoning turli joylarida sahnalashtirilgan.

Filmlari

Semyon Zlotnikov gʻoyasi va rejissyorligida bir qancha kinofilmlarni suratga oldi:

• Fomenko qayerga gʻoyib boʻldi?
• Mutantlar
• Xatboshi
• Hammasi yaxshi boʻladi, xuddi siz xohlaganingizdek