Slava
Slava (haqiqiy ismi – Anastasiya Vladimirovna Slanevskaya; 1980-yil 15-may, Moskva) – rossiyalik qoʻshiqchi, teleboshlovchi, kino aktrisasi, qoʻshiq muallifi, bir nechta yillik musiqa mukofotlari „Pesnya goda“ va „Zolotoy grammofon“ va boshqa koʻplab mukofotlar laureati. U „Poputchitsa“, „Rasskaji mne, mama“, „Odinochestvo“ shuningdek, „Ya i ti“ (Stas Pexa bilan birgalikda) va boshqa qoʻshiqlarni ijro etgan.
Slava | |
|---|---|
 | |
| Tavalludi |
Анастасия Владимировна Сланевская 15-may 1980-yil |
| Janrlar | pop rok |
| Kasbi | aktrisa, qoʻshiqchi, teleboshlovchi |
| Faoliyat yillari | 2001-hozirgacha |
| Leybllar |
Slava Myuzik Monolit Pervoe muzikalnoe Izdatelstvo |
| Fuqaroligi |
 Rossiya |
| Veb-sayt | http://slavamusic.ru/ |
Shaxsiy hayoti
tahrirSlava 1980-yil 15-mayda Moskvada tugʻilgan. Otasi haydovchi va onasi iqtisodchi boʻlgan. Buvisi Pyatnitskiy xorida qoʻshiq aytardi. Xonandaning oʻzi eʼtirof etishicha, disleksiya tufayli maktabda oʻqish unga qiyin boʻlgan[1][2].
Faoliyati
tahrir2002-yil bahorida Slanevskaya ish kunidan soʻng qoʻshiq aytadigan karaoke-klubda, Alla Pugachova va Filipp Kirkorov bilan ishlashi bilan tanilgan telerejissyor Sergey Kalvarskiy, qiz qoʻshiq aytishni tugatishini kutib, unga hamkorlik qilishni taklif etdi. Sergey Kalvarskiy bilan birga qoʻshiqchining prodyuserligida Oleg Chelishev ham ishtirok etdi. Sanʼatkorning birinchi singli „Lyublyu ili nenaviju“ boʻlib, u qoʻshiqchi va rejissyor Sergey Kalvarskiyning birgalikdagi ijodi edi. Qoʻshiq MTV Russian Music Awards 2004 Rossiya musiqa mukofotiga nomzod boʻlgan.
2004-yilning kuzida „Poputchitsa“ debyut albomi chiqdi. Rejissyor Mixail Xleborodov Viktor Drobish tomonidan yozilgan bosh qoʻshiq uchun „Road-muvi“ uslubidagi videoklipni suratga oldi. 2005-yilda qoʻshiqchi „I wanna be the one“ qoʻshigʻi bilan „Yevrovidenie-2005“ tanlovi uchun milliy tanlovda ishtirok etdi. 2010-yilda xonandaning yangi „Odinochestva“ singli chiqdi. Shu bilan birga, „Jena naprokat“ loyihasida suratga olish ishlari boshlandi[3]. 2015-yilda xonandaning „Otkrovenno“ deb nomlangan beshinchi albomi chiqdi va 10-oktyabr kuni Davlat Kreml saroyida Slavaning xuddi shu nomdagi konserti boʻlib oʻtdi[4].
Manbalar
tahrir- ↑ „Мне казалось,что я тупая,пока не пошла учиться на психолога“. 2017-yil 17-avgustda asl nusxadan arxivlangan. Qaraldi: 2017-yil 17-avgust.
- ↑ Inna Lokteva. Durnaya Slava // Atmosfera. – 2010. – Aprel. – S. 88—95.
- ↑ https://dni.expert/author/210, None: „Слава стала "женой напрокат"“ (ru). dni.expert. Qaraldi: 2024-yil 2-oktyabr.
- ↑ „Певица Слава“. 2017-yil 12-fevralda asl nusxadan arxivlangan. Qaraldi: 2017-yil 12-fevral.