Sodiq Azimov koʻchasi (Toshkent)

Sodiq Azimov koʻchasi — Mirobod, Yashnobod va Mirzo Ulugʻbek tumanlarini birlashtirib turuvchi markaziy koʻchalardan biri. Amir Temur shoxkoʻchasi va Shastri koʻchasi oraligʻida. Uzunligi 2 km atrofida. Istiqbol, Taraqqiyot koʻchalari bilan kesishgan. Tarkibida 5 ta tor koʻcha bor.

Sodiq Azimov koʻchasi

Umumiy maʻlumotlar
Mamlakat	Oʻzbekiston
Shahar	Toshkent
Tuman	Mirobod Yashnobod Mirzo Ulugʻbek
Uzunligi	2 km
Avvalgi nomlari	Namangan prospekti Vasiliy Jukovskiy koʻchasi
Kim sharafiga nomlangan	Sodiq Azimov
Kesishgan koʻchalari	Istiqbol Taraqqiyot
Koʻchada joylashgan binolar	Toshkent shahar ichki ishlar bosh boshqarmasi Yaponiyaning Oʻzbekiston Respublikasidagi elchixonasi M. M. Fedorovich klinik sanatoriysi Oʻzbekiston havo yoʻllari boshqarmasi 1-Respublika klinik shifoxonasi 1-markaziy poliklinika

Tarixi

XIX asrning 2-yarmida tashkil topgan. Dastlab Namangan prospekti nomi bilan yuritilgan. 1890-yil koʻchaga taniqli rus shoiri Vasiliy Jukovskiy (1793—1852) nomi berilgan. 1993-yil 13-sentabrdan akademik Sodiq Azimov nomi bilan yuritiladi. Koʻchaning bosh qismida XIX asr oxirlarida birinchi kasalxona ochilgan.

Binolar

Yoʻnalishida „Movarounnahr“, „Mingoʻrik“, „Toʻytepa“, „Oqibat“ mahallalari, Toshkent shahar ichki ishlar bosh boshqarmasi, Yaponiyaning Oʻzbekiston Respublikasidagi elchixonasi, Vengriya Respublikasining Toshkentdagi savdo vakolatxonasi, M. M. Fedorovich klinik sanatoriysi, „Oʻzbekiston havo yoʻllari“ boshqarmasi, Hindistonning „Yevzman L. A.“ korxonasi, „Oʻzavtoyoʻl“ davlataksiyadorlik kompaniyasiga qarashli „Ipak yoʻli“ mehmonxonasi, 1-Respublika klinik shifoxonasi, 1-markaziy poliklinika, kafelar, maktab, bogʻcha, koʻp qavatli turar joy binolari, dorixonalar, savdo majmualari, banklar, firma ofislari, turli servis xizmat koʻrsatish maskanlari joylashgan.

Yaqinida M. V. Lomonosov nomidagi Moskva davlat universitetining Toshkent filiali, Toshkent davlat sharqshunoslik universiteti, Oʻzbekiston Respublikasi Sogʻliqni saqlash vazirligining 4-boshqarmasi, Ortopediya va travmatologiya markazi, xorijiy davlatlar elchixonalari, Oʻzbekiston sogʻliqni saqlash muzeyi va boshqa muassasalar bor.

Yana qarang

• Toshkent koʻchalari roʻyxati