Stefaniya torti

"Stefaniya" (nemischa: Stefanie-Torte , veng.: Stefánia torta) — Avstriya va Vengriya torti. Bir necha qavatdan iborat va shokoladli glazur bilan qoplangan yongʻoqli tort retsepti 1888-yilda Oskar Pishinger tomonidan oʻylab topilgan va shirinlikka Avstriya-Vengriya valiahd shahzodasi Rudolfning ayoli, Belgiya malikasi Stefaniya sharafiga nom berilgan. „Dobosh“, „Esterxazi“ tortlari va „Jerbo“ pirojniysi bilan bir qatorda „Stefaniya“ torti ham Budapesht qandolatchilikning faxri hisoblanadi.

„Stefaniya“ tortining bir boʻlagi

„Stefaniya“ torti uchun biskvit xamiridan maydalangan bodom qoʻshib, kamida uchta korj pishiriladi. Korjlarga bugʻda eritilgan shokolad va yogʻli krem surtib, ustma-ust taxlanadi. Tort shokoladli glazur bilan bezatiladi va ustidan kakao sepiladi.

Adabiyotlar

• „Торт «Стефания»“, 500 видов домашнего печенья: Из венгерской кухни, 400000 экз, Ужгород: «Карпати», 1987 — 130-bet.