Swansea City
Swansea City (inglizcha: Swansea City Association Football Club — inglizcha talaffuzi: /ˈswɒnzi 'sɪtɪ 'futbɔ:l klʌb/) — xuddi shu nomdagi shaharda joylashgan Uels professional futbol klubi[1]. Bu klub 1912-yilda tashkil etilgan.
Hozirda Angliyada futbol ligasi tizimidagi ikkinchi eng muhim divizion boʻlgan chempionatda oʻynamoqda.
Klub 1912-yilda „Swansea Town“ nomi bilan tashkil topgan hamda 1920-yilda Futbol Ligasiga qoʻshilgan va shundan beri doimiy aʼzo boʻlib kelmoqda[2]. „Swansea City“ klubi 10 karra Uels kubogi sohibi. 1926 va 1964-yillarda Angliya kubogi yarim finalchisi boʻlgan. 2013-yilgi futbol ligasi kubogi sohibi. Klub 1981-yildan 1983-yilgacha sobiq Futbol Ligasi Birinchi divizionida ishtirok etgan. Futbol Ligasi Birinchi divizioni birinchi mavsumida jamoa 6-oʻrinni egallagan.
2005-yildan beri uy uchrashuvlari „Ospreys“ regbi klubining „Liberty Stadium“ maydonida oʻtkaziladi. 2005-yilgacha klubning uy maydoni Vetch Field boʻlgan.
Klub ranglari qora va oq hisoblanadi. „Swansea City“ va uning tarafdorlari norasmiy ravishda „Jeks“ nomi bilan tanilgan.
Klub tarixi tahrir
Klub 1912-yilda tashkil etilgan. Shu vaqtdan boshlab 1969-yilgacha jamoa „Swansea Town“ deb nomlangan (inglizcha: Swansea Town). 1969-yilda jamoa „Swansea City“ deb oʻzgartirilgan[1].
Klub oʻz tarixida ikki marta Angliya kubogining yarim finaliga chiqqan. 1925/26-yilgi mavsumda jamoa „Bolton“ jamoasiga 0:3 hisobida, 1963/64-yilgi mavsumda esa „Preston North End“ jamoasiga yutqazib qoʻygan.
Premer-ligaga koʻtarilishning boshlanishi jamoaning 2005 yilda Liberty Stadiumga koʻchib oʻtishi bilan bogʻliq. 2007/08 yilgi mavsumda klub 18 oʻyindan iborat magʻlubiyatsiz seriyani davom ettirdi va bu ularga uchinchi oʻringa koʻtarilish imkonini berdi. „Suonsi Siti“ning besh nafar futbolchisi yilning eng yaxshi yulduzlar jamoasiga kiritildi.
2010/11 yilgi mavsumda jamoa Futbol Ligasi chempionatida uchinchi oʻrinni egalladi va pley-offga yoʻllanma oldi va yarim finalda „Nottingem Forest“ jamoasini umumiy hisobda 3:1 hisobida magʻlub etdi. „Wembley“da boʻlib oʻtgan finalda „Reding“ 4:2 hisobida magʻlub boʻldi va bu „Swansea City“ga oʻz tarixida birinchi marta Premer-ligaga chiqish imkonini berdi.
Premer-ligadagi debyut mavsumida „Swansea City“ 11-oʻrinni egallagan.
2012/2013-yilgi mavsumda „Swansea City“ Futbol Ligasi kubogini qoʻlga kiritgan. Finalda „Swansea City“ „Bredford City“ni 5:0 hisobida magʻlub etgan. Premer-liganing 2012/13-yilgi mavsumida „Swansea City“ 9-oʻrinni egallagan[3].
Manbalar tahrir
Havolalar tahrir
- Rasmiy sayt(ingl.) )