Mbeki Tabo Mvuyelua (1942.9.6, Sharqiy Kap viloyatining Idutiva qishlogʻi) — Janubiy Afrika Respublikasi davlat arbobi. Buyuk BritaniyadagiSusseks universitetining iqtisodiyot fakultetini tugatgan (1966). 1967-yildan Afrika milliy kongressi (AMK) xodimi, 1971-yildan Lusakadagi AMK Inqilobiy qoʻmita kotibi yordamchisi, 1975-yil AMK Milliy ijroiya qoʻmitasi aʼzosi, 1976-yildan AMKning Nigeriyadagi vakili, 1978-yildan AMK prezidentining siyosiy ishlar boʻyicha kotibi, axborot departamenti direktori, AMK raisi oʻrinbosari, AMK prezidenti, 1994-yildan JAR vitse-prezidenti, 1999-yil iyundan prezidenti.[1]
