Eagles

Eagles (talaffuzi: Iglz; tarjimasi „Burgutlar“) 1971-yilda Los Angeles shahrida tuzilgan rock guruhidir. 1970-yillarda Shimoliy Amerikaning eng muvaffaqiyatli musiqiy guruhlaridan biri boʻlgan. Guruhning hozirgi tarkibi Don Henley, Joe Walsh, Timothy B. Schmit va Vince Gilldan iborat.

Eagles
Eagles guruhi 2008-yilda Chapdan oʻngga: Glenn Frey, Don Henley, Joe Walsh, Timothy B. Schmit
Umumiy maʼlumot
Kelib chiqishi	Los Angeles, Kaliforniya, AQSh
Mamlakat	AQSh
Faoliyat yillari	1971–1980 1994–2016 2017–hozirgacha
Janr	Rock country rock soft-rok folk-rok
Leybl	Asylum Geffen Polydor Lost Highway
Tarkib	Don Henley Joe Walsh Timothy B. Schmit Vince Gill
Sobiq aʼzolar	Glenn Frey Bernie Leadon Randy Meisner Don Felder Deacon Frey
Vebsayt	eagles.com

Guruhning birinchi studiyaviy albomi Eagles, deb nomlanib, 1972-yilda eʼlon qilinadi. Albomga kiritilgan ikki tarona („Take It Easy“ va „Witchy Woman“) AQSh va Kanada musiqa chartlarida yuqori yigirmatalik safidan oʻrin egallaydi. Keyingi yili guruh Desperado nomli albomini omma eʼtiboriga havola etadi. Albomga kiritilgan „Desperado“ ashulasi ommalashishiga qaramay, albom AQShda 41-pogʻonagacha koʻtariladi. 1974-yilda guruhga gitarachi Don Felder qoʻshilganidan soʻng, guruh On the Border nomli albomini chiqaradi. Albomga kiritilgan „Already Gone“ ashulasi chartlarda yuqori 40 talik safidan joy egallaydi. „Best of My Love“ ashulasi esa AQSh va Kanada chartlarida birinchi pogʻonagacha koʻtariladi. 1975-yilda guruhning One of These Nights nomli yangi albomi chiqadi. Albom AQShda birinchi pogʻonagacha koʻtariladi, koʻplab mamlakatlar musiqa chartlarida esa yuqori oʻntalikka kiradi. Albomga kiritilgan „One of These Nights“ qoʻshigʻi AQShda birinchi pogʻonani egallaydi. „Lyinʼ Eyes“ va „Take It to the Limit“ taronalari esa yuqori beshtalikka kirishga muvaffaq boʻladi. Shuningdek, 1975-yilda guruhga Leadon oʻrniga gitarachi va vokalchi Joe Walsh qoʻshiladi.

1976-yilda guruh Their Greatest Hits (1971–1975) nomli albomini eʼlon qiladi. Albom birgina AQShning oʻzida 38 milliondan ortiq nusxada sotilib, AQSh tarixida eng koʻp sotilgan albomga aylanadi. Shu yili guruh Hotel California albomini ham chiqaradi. Bu albomning ham savdosi chaqqon boʻlib, AQShning oʻzida 26 milliondan ortiq nusxada (AQSh tarixida uchinchi eng koʻp sotilgan albom), umumjahon boʻylab esa 32 milliondan ortiq nusxada sotiladi. Albomga kiritilgan „New Kid in Town“ va „Hotel California“ ashulalari AQSh va Kanada musiqa chartlarida eng yuqori pogʻonagacha koʻtariladi.

1977-yilda guruhga Meisner oʻrniga Timothy B. Schmit qoʻshiladi. Eagles guruhi 1979-yilda The Long Run nomli oltinchi studiyaviy albomini ommaga taqdim etadi. Albomga kiritilgan „Heartache Tonight“ taronasi Shimoliy Amerikada birinchi pogʻonagacha koʻtariladi, „The Long Run“ va „I Canʼt Tell You Why“ taronalari esa yuqori oʻntalikka kiradi. 1980-yilga kelib, Eagles tarqalib ketadi, biroq 1994-yilda Hell Freezes Over albomi uchun qayta birlashadi. 2007-yilda guruh Long Road Out of Eden nomli albomini eʼlon qiladi. Albom AQShda oltinchi pogʻonaga qadar koʻtariladi. 2008-yilda guruh albomni targʻib qilish maqsadida turnega chiqadi.

Eagles jahondagi eng muvaffaqiyatli musiqa guruhlaridan biridir. Koʻplab mukofotlarga, jumladan olti marotaba Grammy, besh marotaba American Music Awardga sazovor boʻlgan. Shu kungacha guruhning birgina AQShning oʻzida 100 milliondan oshiq, umumjahon boʻylab esa 200 milliondan oshiq audioyozuvi sotilgan. Shuningdek, guruh 1998-yil „Rock and Roll shon-sharaf zali“ (inglizcha: Rock and Roll Hall of Fame) ga kiritilgan. Bundan tashqari, Rolling Stone jurnali tomonidan 2004-yilda tuzilgan „Tarixdagi 100 eng buyuk xonanda“ (inglizcha: 100 Greatest Artists of All Time) roʻyxatida 75-oʻringa loyiq topilgan.

Guruh tarkibi

• 
  Henley
• 
  Walsh
• 
  Schmit
• 
  Gill

Hozirgi aʼzolari

• Don Henley — asosiy va bek-vokal, dovullar, perkussiya, ritm-gitara (1971–1980, 1994–2016, 2017–hozirgacha)
• Joe Walsh — bosh va ritm-gitara, bek- va asosiy vokal, klavishlar (1975–1980, 1994–2016, 2017–hozirgacha)
• Timothy B. Schmit — bas-gitara, bek- va asosiy vokal, garmonika (1977–1980, 1994–2016, 2017–hozirgacha)
• Vince Gill — bosh va ritm-gitara, bek- va asosiy vokal (2017–hozirgacha)

Hozirgi turne aʼzolari

• Scott F. Crago — dovullar, perkussiya (1994–2016, 2017–hozirgacha)
• Steuart Smith — bosh va ritm-gitara, mandolina, bek-vokal (2001–2016, 2017–hozirgacha)
• Will Hollis — klavishlar, sintezatorlar, bek-vokal (2001–2015, 2017–hozirgacha)
• Michael Thompson — pianino, klavishlar, akkordeon, bek-vokal (2001–2015, 2017–hozirgacha)

Sobiq aʼzolari

• Glenn Frey — asosiy va bek-vokal, ritm- va bosh gitara, klavishlar, garmonika (1971–1980, 1994–2016)
• Bernie Leadon — bosh va ritm-gitara, banjo, mandolina, pedalli slayd-gitara, dobro, bek- va asosiy vokal (1971–1975, 2013–2016; one-off in 1998)
• Randy Meisner — bas-gitara, bek- va asosiy vokal, ritm-gitara, gitararon (1971–1977; one-off in 1998)
• Don Felder — bosh va ritm-gitara, banjo, mandolina, pedalli slayd-gitara, organ, bek- va asosiy vokal (1974–1980, 1994–2001)
• Deacon Frey — ritm- va bosh gitara, asosiy va bek-vokal (2017–2022)

Sobiq turne aʼzolari

• Joe Vitale — dovullar, perkussiya, klavishlar, bek-vokal (1977–1980)
• John Corey — pianino, bek-vokal, perkussiya, qoʻshimcha gitara (1994, 2017–2018)
• Timothy Drury — klavishlar, vokal, qoʻshimcha gitara (1994–1999)
• Al Garth — saksofon, skripka, perkussiya (1994–2012)
• Bill Armstrong — truba (2005–2010; his death)
• Chris Mostert — tenor saksofon, alto saksofon (2005–2010)
• Greg Smith — baritone saksofon (2005–2010)
• Les Lovitt — truba (2010)
• Richard H. W. Davis — klavishlar, bek-vokal (2007–2015)
• Will Henley — ritm-gitara (2018)

Xronologiya

Xronologiya (turne aʼzolari)

Diskografiyasi

Studiyaviy albomlar

• Eagles (1972)
• Desperado (1973)
• On the Border (1974)
• One of These Nights (1975)
• Hotel California (1976)
• The Long Run (1979)
• Long Road Out of Eden (2007)

Havolalar

• Rasmiy sayti
• Eagles Curlie katalogida