Theodora Mead Abel
| Theodora Mead Abel | |
|---|---|
| Tugʻilgan yili | 1989-yil 9-sentyabr
Nyuport, Rod- Aylend |
| Vafot etgan yili | 1998-yil 2-dekabr |
| Kasbi | klinik psixolog, oʻqituvchi |
| Ilmiy darajasi | Psixologiya fanlari nomzodi,Ph.D |
| Taʼlim olgan bilim yurti | Vassar kolleji |
| Kitoblari |
|
| Turmush oʻrtogʻi | Teodor Abel |
| Farzandlari | 3ta |
Teodora Mead Abel (1899-1998) amerikalik klinik psixolog va pedagog boʻlib, u sotsiologiya va psixologiyani uygʻunlashtirish orqali innovatsion gʻoyalardan foydalangan. U madaniyatlararo psixologiya boʻyicha yetuk izlanuvchan olima edi. [1]
Yoshlik yillari va taʼlim
tahrirTeodora 1899-yil 9-sentyabrda Rod- Aylend shtatining Nyuport shahrida tug‘ilgan va Nyu-York shahrida o‘sgan. 1917-yilda u Miss Chapin maktabini tamomlagan, u yerda talabalar jamoasi yetakchisi boʻlgan. [2] Abel Vassar kollejida oʻqidi va 1921-yilda bakalavr darajasini oldi. 1924-yilda u Kolumbiya universitetida magistr darajasini oldi, u yerda professorlaridan biri Leta Stetter Hollingvort edi. [1] Keyin u Parij universitetiga oʻqishga kirdi va 1923-yilda psixologiya boʻyicha ilmiy darajasini oldi. Uning yakuniy darajasi Kolumbiyadan olingan va 1925-yilda psixologiya fanlar nomzodi boʻlgan.
Faoliyati
tahrirTaʼlim olgandan soʻng, Teodora oʻqituvchi sifatida oʻz faoliyatini olib bordi. U Illinoys universitetida (1925-1926), Sara Lourens kollejida (1929-1933) va Manxetten qizlar savdo maktabida dars bergan . Keyin u mahalliy aholi dunyosiga kirdi. U 1940-yildan 1946 yilgacha Nyu-York shtati ruhiy gigiena departamentida bosh psixolog sifatida ishlagan. 1947-yilda u Nyu-Yorkdagi Ruhiy salomatlik boʻyicha aspirantura markazida psixolog direktor lavozimini egalladi va bu lavozimda 24 yil ishladi.
1971-yilda Nyu-Meksikoga koʻchib oʻtgandan soʻng, u Albukerke shahridagi Bolalarga rahbarlik qilish markazida oilaviy terapiya boʻlimi boshligʻi boʻldi va u yerda u shaxsiy amaliyotni tashkil etdi. Nyu-Meksikoda boʻlganida, u Puebloan xalqlari boʻyicha tadqiqotlar olib bordi. [3]
U koʻplab kitoblar yozgan, jumladan:
- Subnormal oʻsmir qiz (1940)
- Yuzning buzilishi (1952)
- Madaniy kontekstda psixologik test (1973)
- Madaniyat va psixoterapiya (1974)
Ushbu toʻrtta kitobning oxirgisida Abel Kolumbiyadagi aspiranturada tanishgan Margaret Midning kirish qismi mavjud. Ular alifbo boʻyicha saf tortgandan soʻng doʻst boʻlishdi (ikkalasi ham „Mead“ familiyasiga ega edi, lekin ular qarindosh emas edi). [3]
Umrining soʻngida
tahrirAbel 1998-yil 2-dekabrda Nyu-Yorkning Forestburg shahrida vafot etdi Uning eri Teodor Abel bundan oʻn yil oldin vafot etgan edi. Hozirda ularning ikki qizi va bir o‘g‘li, nabiralari va chevaralari qolgan. [3]
Manbalar
tahrir- ↑ 1,0 1,1 Ware, Susan.
- ↑ Ware, Susan. Notable American Women: A Biographical Dictionary Completing the Twentieth Century, 2004. ISBN 9780674014886.
- ↑ 3,0 3,1 3,2 „Theodora Abel, 99, Psychologist Who Reached Across Cultures“, New York Times (December 13, 1998).