Toʻxta Qobilov
Toʻxta Qobilov (1896-yil, Samarqand – 1938-yil, Toshkent) – Samarqand va Karmana shahar militsiyasi boshligʻi. Stalin davri qatagʻoni qurboni boʻlgan.
| Toʻxta Qobilov | |
|---|---|
| Tavalludi |
1896-yil Arabxona qishlogʻi, Samarqand tumani |
| Vafoti |
1938-yil Toshkent |
| Fuqaroligi |
 SSSR |
| Taʼlimi | Stalin nomidagi Kommunistik universitet |
| Faoliyat yillari | 1920—1937 |
Biografiyasi tahrir
Toʻxta Qobilov 1896-yilda Samarqand tumanidagi Arabxona qishlogʻida tugʻilgan. Oilasi kambagʻal dehqonlardan boʻlgan. Oʻrta taʼlim olgan. 1919-yilning 18-martidan kommunistik partiya aʼzosi hisoblanadi. Otasi 1927-yilning 8-mayida vafot etgan.
Toʻxta Qobilov 1917-yildan 1920-yilga qadar mavsumiy ishlarda ishlab roʻzgʻor tebratadi. 1920-yildan boshlab turli xil vazifalarda faoliyat yuritadi. Dastlab shu yili Arabxona qishloq sovetida kotib vazifasida ishlaydi. Bu ishda 1922-yilga qadar qoladi. 1922-yildan 1923-yilgacha Dargʻom tumanidagi Juma temiryoʻl stansiyasida artel raisi boʻlgan. 1923—1924-yillarda Ikromov tumani tuman matbuot kooperatsiya raisi, 1924—1926-yillarda Daul volosti ijroqoʻmi kotibi, 1926—1929-yillarda Samarqand va Karmanada shahar militsiyasi boshligʻi boʻlgan[1]. Keyinchalik katta tergovchi lavozimiga tayinlangan. 1929-yildan 1930-yilga qadar kolxoz raisi boʻlgan. 1932-yilning sentyabr oyidan Ikromov tumani partiya qoʻmitasida instruktor vazifasida ishlaydi. 1933—1935-yillarda betobligi tufayli ishlamaydi. 1936-yilning 1-iyulidan Ikromov tumani ijroiya qoʻmitasi raisi oʻrinbosari boʻlib ishlagani toʻgʻrisida maʼlumotlar bor. Shaxsiy varaqasida 1927-yilda okrug maʼmuriy boʻlimi tomonidan bosmachilikka qarshi kurashgani uchun soat bilan, 1935-yilda Oʻzbekbirlashuv tomonidan bir oylik maosh bilan taqdirlangan[2].
1930-yildan 1932-yilgacha Stalin nomidagi Kommunistik universitetda tahsil olgan. III toifali partiya boʻlimini tamomlagan.
1938-yilning 15-oktyabrda SSSR Oliy Sudi Harbiy kollegiyasining sud majlisida oʻlimga hukm qilinadi. Hukm ijrosi oʻsha kuni taʼminlanib, otib tashlanadi.
Kommunistik partiyaning XX syezdidan soʻng realibitatsiya qilingan.
Manbalar tahrir
- ↑ Rustambek Shamsutdinov. Коллективлаштириш ва “катта террор” даврида қатагон қилинган ватандошларимизнинг xoтиpa китоби. Тошкент: Янги аср авлоди, 2015 йил — 335—336 bet. ISBN 978-9943-27-589-9.
- ↑ Rustambek Shamsutdinov. Oʻzbekistonda sovetlarning qatagʻon siyosati va uning oqibatlari (1-kitob). Sharq Toshkent 2012 — 234 bet. ISBN 978-9943-00-481-8.