Tohir Saidov

Tohir Saidov— 1965-yil 28-sentyabr sanasida Xorazm viloyatida tugʻilgan.Tohir Saidov yoshligidan aktyor boʻlishni orzu qilgan, shu sabab oʻrta maktabni tamomlab poytaxtga kelgan hamda Toshkent teatr va rassomchilik sanʼati oliygohiga oʻqishga kirgan.Aktyor oʻz faoliyatini 1991-yilda Oʻzbek milliy akademik drama teatrida boshlagan.Ushbu teatrda ishlash davomida u oltmishdan oshiq spektakllarda turli obrazlarni yaratgan. Tohir Saidovni xalqqa tanitgan roli bu „Koʻngil koʻchalari“ serialidagi „gadoy“ obrazi boʻlgan, ushbu serialdan tashqari aktyor yana "Shaytanat" va „Sardor“ serialida shuningdek „Soʻgʻdiyona“, „Chavandoz“ hamda „18 Kvadrat“ kabi 20 dan oshiq filmlarda ham betakror rollarni ijro etgan. Tohir Saidov oʻzining sanʼat sohasidagi uzoq yillik faoliyati orqali 2005-yilda „Oʻzbekistonda xizmat koʻrsatgan artist“ unvoni bilan mukofotlangan.