Toshkent — non shahri (film)

«Toshkent — non shahri» (ruscha: Ташкент — город хлебный) — 1968-yilda suratga olingan drama. Aleksandr Neverovning shu nomdagi hikoyasiga asoslangan.

Toshkent — non shahri
Janri	drama
Rejissyor(lar)	Shuhrat Abbosov
Ssenariynavis(lar)	Andrey Konchalovskiy Aleksandr Neverov Andrey Tarkovskiy
Rollarda	Vladimir Vorobey Vladimir Kudenkov Baxtiyor Nabiyev
Bastakor(lar)	Albert Malaxov
Distribyutor	Oʻzbekfilm
Chiqarilgan sanasi	1968
Davomiyligi	104 daqiqa
Mamlakat	Sovet Ittifoqi

Tavsifi

Volgaboʻyi, 1921-yil. Qurgʻoqchilik. Ommaviy qahatchilik odamlarning sillasini quritgan. Hukumat esa yordam berishga qodir emas. Samara guberniyasida yashovchi Mixail Dodonov (Misha) ismli bola otasidan ayrilib, onasi va uch ikki nafar bola bilan qolgan. Ularni ochlikdan qutqarish uchun Misha oʻsha darvrda moʻl-koʻlchiligi bilan tanilgan Toshkentga joʻnaydi. Oʻzi bilan birga doʻsti Sergeyni ham yetaklaydi. Yo’lda Sergey tif kasaliga uchrab, bekatlardan birida qolib ketadi. Misha yoʻlda juda koʻp qiyinchiliklarga uchraydi, biroq Toshkentga yetib keladi. Bu yerda u badavlat odamning bogʻida dehqonchilik qiladi. Ishlab topgan pullarini va bir necha qop bugʻdoyni olib, Misha uyiga qaytadi. Bu yerda u ukalarining ochlikdan vafot etishganini koʻradi.

Faktlar

Film ekranga chiqishidan avval uning baʼzi joylari kesib tashlangan, filmning faqat bir seriyasi koʻrsatilgan edi, biroq uning toʻliq varianti operator Hotam Fayziyevning uyida saqlab qolingan edi. Oradan 45 yil oʻtib, 2013-yilda Toshkentda uning ikki seriyali toʻliq namoyishi boʻldi.

Rollarda

Aktyor	Rol
Vladimir Vorobey	Misha Misha
Vladimir Kudenkov	Sergey Sergey