Verner

Verner [ixtirochi, fransuz matematigi P. Verne (1580—1637) nomidan] — 1)asbobsozlikda — ulchash asboblarida asosiy shkala boʻlinmalari boʻyicha uzunlik va burchaklarni aniqroq hisoblash uchun moʻljallangan qoʻshimcha shkala. V. yordamida asosiy shkala boʻlinmalari qiymatlarining ulushlari aniqlanadi. Ishi kuzatuvchi kishi koʻzini asosiy va qoʻshimcha shkalalardagi 2 chiziqchaga (shtrixga) toʻgʻri keltirishiga asoslangan; bunda shtrixlardan biri ikkinchisining davomi boʻlishi va ularning uchlari mos kelishi kerak. V. asosiy shkala boʻylab sirpanadi. Uning shkalasi boʻlinmalari asosiy shkalanikiga qaraganda ancha maydaroq boʻladi. V.ning hozirgi nomi — nonius; 2) radiopriyomnik va b. radioapparatlarni radiotoʻlqinlarga aniq sozlash uchun moʻljallangan moslama.

Adabiyotlar

• OʻzME. Birinchi jild. Toshkent, 2000-yil