Toʻrtinchi marotaba oʻtkazilayotgan WikiOromgohda ishtirok etuvchilarni saralash boshqa wikiOromgohdagi saralashdan tubdan farq qildi. „WikiTaʼlim“ dasturi ostida oʻtkazilgan toʻrtinchi wikioromgohda ishtirok etadiganlarning barchasi talaba boʻlishi majburiy qilib belgilandi, yaʼni boshqa wikioromgohlar singari maktab, kollej, litsey oʻquvchilari oromgohga qabul qilinmadi. Oromgoh boshlanishi oldidan Respublikamizdagi barcha OTM mutassadi xodimlari bilan bogʻlanib, ularning taʼlim dargohida oʻzining yetakchilik qobiliyati bilan ajralib turgan, kompyuter savodxonligiga ega talabalardan nomzodlar roʻyxati tuzildi va ular wikioromgohning IV mavsumi ishtirokchisiga aylanishdi.
