Vikipediya:Yaxshi maqola nomzodlari/Amerika kestrali

Iltimos, bu yerga oʻzgartirishlar kiritmang.

---

Amerika kestrali

Nominator(lar): Xasanboy off (munozara) 10:58, 8-Iyul 2023 (UTC)

Mazkur maqola Hayvonlar loyihasi va Qushlar loyihasi doirasida inglizcha Vikipedayadan tarjima qilib yaratilgan, maqola inglizcha Vikipediyada „Yaxshi maqola“ statusini olgan va 2003-yildan faol foydalanuvchilar tomonidan tahrirlanib yangi maʼlumotlar bilan toʻldirilmoqda. Amerika kestrali (lochin deb ham nomlangan), kamayib ketish xavfi ostida. Ushbu maqolani „Yaxshi maqola“ statusi uchun nomzodlikka taqdim etmoqchiman. Hurmatli Nataev, Kagansky, Jamshid Nurqul, Artemev Nikolay, Muxriddin Azimov, Malikxan, Mirzo Ulugʻbek Karimov, Umarxon III, Alpasli, Panpanchik, Laziz Baxtiyorov, Salazarov, Muzaffar Murodovich, Diwikiped, Khasan azim1, Kamol Azzam va boshqa foydalanuvchilar oʻz fikringizni bildirib, statusga yetishida uning qoidalarga xos tarzda toʻliq tayyorlanishiga yordam bering, shuningdek ovoz berishda ham ishtirok etishingizni soʻrab qolaman Xasanboy off (munozara) 10:58, 8-Iyul 2023 (UTC)

"ingliz Vikipediyasida „Yaxshi maqola“ statusini olgan" bu gapning sababini tushunolmadim. „ingliz Vikipediyasi“ emas, inglizcha Vikipediya, undan tashqari — inglizchada status oldi degani hamma vikilarda status olishi kerak degani emas. Ingliz va oʻzbek tillari orasida yer bilan osmoncha farq bor. Inglizzabonlar oʻz tillarida maqolani maromiga yetkazib bexato yozishganiga shubham yoʻq, bizdachi, buni tekshirib koʻrgach bilamiz. Matn oʻzbek tili qoidalari asosida yozilmagan boʻlsa, „inglizchada status olganku“, degan iddao oʻtmaydi. Jamshid Nurqul (munozara) 19:09, 8-Iyul 2023 (UTC)

Assalomu alaykum koʻp maʼlumotlarda ingliz deb yozilgani uchun ingliz deb urgʻu berib yuboribman.

Xato toʻgʻirlandi.Xasanboy off (munozara) 00:44, 9-Iyul 2023 (UTC)

Fikrlar

koʻk jayning ogʻirligidan motam kabutariga shu turlarning asl oʻzbekcha nomlarini qidirib koʻrsangiz. Bu toʻgʻridan toʻgʻri tarjima boʻlib qolgan. Oddiy insonga tushunarsiz, biolog olimga esa yoqimsiz tuyiladi. Shu singari turlarning ayni oʻzbekcha berilgan nomlarini topishga urinib koʻring. Bu maqolangizni yana ham sifatliroq qiladi! Shuningdek quyidagilar ham:

1. bu esa eng kuchli uchuvchi lochinlar, masalan, 20% ni tashkil qilgan
2. Qanotlari oʻrtacha uzun, ancha tor va bir nuqtaga torayib ketgan.
3. Kattaligiga koʻra, ular kuchli tirnoqlari va tumshugʻiga ega
4. Ikkala jinsda ham bosh oq rangga ega, tepada koʻk-kulrang.
5. uning kestralarga jismoniy oʻxshashligi va Amerika kestrali nomining oʻziga xos xususiyatiga asoslanib, nomini oʻzgartirishga ozgina turtki boʻlgan.

Yuqorida ayrim gʻaliz jumlalarni koʻrsatdim. Lekin baxtga qarshi maqolada bu singari jumlalar koʻp topiladi. Iltimos tarjima qiluvchi sifatidagina emas oddiy oʻquvchi oʻlaroq maqolani tahrir qiling!

Yana:

1. Vokalizatsiyalar boʻlimida notoʻgʻri wikilinklari serob. Tovush nomi insonlar va hudud nomlari bilan bogʻlanib qolgan. Tovush turining ayni oʻzbekcha tarjimasi yoki transliteratsiya varianti borasida izlanish qilinmagan. Bu boʻlim toʻliq tahrirga muhtoj.
2. Shimoliy Amerikadagi AOU xizmat turi qanday qilib Fransiyadagi shaharga linklanib qoldi?

Yuqoridagi singari xato wikilinklar juda koʻp. Qayta koʻrib chiqib darhol tahrirlash kerak!!! PanPanChik ^#yozish 03:50, 11-Iyul 2023 (UTC)

Rozilar

Qarshilar

1.  Qarshiman — maqola boshdan-oyoq avtomat tarjimadan iborat. „Vokalizatsiyalar“ deb nomlangan boʻlimni shu yerga toʻliq koʻchiraman, aminman, hech kim u yerdagi gaplarning maʼnosini tushunmaydi, qanaqadir qoʻngʻiroqlar haqida yozilganmi-yey, jonivorga qoʻngʻiroqning nima aloqasi bor?! Xullas, toʻliq avtomat tarjima: „Amerika kestrali uchta asosiy tovushga ega — „klee“ yoki „killy“, „whine“ va „chitter“. „Klee“ odatda tezkor seriya sifatida yetkazib berilgan — klee, klee, klee, klee kestrali xafa boʻlganda yoki hayajonlanganda. Bu qoʻngʻiroq turli xil vaziyatlarda qoʻllaniladi va ikkala jinsdan ham eshitiladi, lekin katta urgʻochilarning ovozi odatda erkaklarnikiga qaraganda pastroq boʻlgan. „Whine“ qoʻngʻirogʻi, birinchi navbatda, ovqatlanish bilan bogʻliq, lekin kopulyatsiya paytida ham aytilgan. "Chitter" erkak va urgʻochi qushlar oʻrtasidagi oʻzaro taʼsirni oʻz ichiga olgan faoliyatda, jumladan, tanishuv paytida ovqatlanish, kopulyatsiya va nestlarni boqishda qoʻllanilgan. Nestlings 16 kunlik yoshida kattalarnikiga oʻxshash qoʻngʻiroqlarni amalga oshirishi mumkin.“ Jamshid Nurqul (munozara) 12:59, 16-Iyul 2023 (UTC)
2.  Qarshiman — Avtomat tarjima joylari yaxshi tuzatilmagan. Tuzatilib, xabar qilisa, qayta tekshirib, ovozimni o'zgartirishim mumkin. Salazarov 10:46, 17-Iyul 2023 (UTC)
3.  Qarshiman. Maqola ayni vaqtda, mening fikrimcha, umuman status uchun mos emas. AT alomatlari talaygina.ANJANIY!!^#suhbat 11:19, 17-Iyul 2023 (UTC)

Betaraflar

Xulosa

 Bajarilmadi Maqola nomzodlikka qoʻyilgan kundan shu kunga qadar birorta rozi ovoz ola bilmadi. Aksincha, qarshi ovozlar bildirilganini inobatga olgan holda, munozara yopildi. Nominatorga maqola boʻyicha aytib oʻtilgan fikrlarni inobatga olgan holda, xatoliklarni tuzatib, maqola ustida jiddiy qayta ishlashni tavsiya qilamiz. Laziz Baxtiyorov (munozara) 03:17, 19-Iyul 2023 (UTC)

Yuqoridagi munozara yopiq. Iltimos, bu yerga oʻzgartirishlar kiritmang.