Vladikavkaz
Vladikavkaz (osetincha Dzaujikau) (1931—44 va 1954—90 yillarda Orjonikidze, 1944—54 yillarda Dzaujikau) — Rossiya Federatsiyasidagi shahar (1860-yildan). Shimoliy Osetiya poytaxti, Terek daryosi sohilida. Temir yoʻl stansiyasi. Aholisi 325 ming kishidan ziyod (1999). Mashinasozlik (elektrotexnika, priborsozlik va boshqalar), rangli metallurgiya, kimyo, shisha, yogochsozlik, yengil, oziq-ovqat sanoati korxonalari, 4 oliy oʻquv yurti (shu jumladan Shimoliy Osetiya universiteti), 4 teatr, Shimoliy Osetiya badiiy muzeyi, K. L. Xetagurov nomli Shimoliy Osetiya adabiyot muzeyi, Xetagurov uy-muzeyi bilan birga Shim Osetiya birlashgan muzeyi va b. bor. Turizm rivojlangan. V.ga Gruziya Harbiy yoʻlini qoʻriqlash uchun 1784 yil rus qalʼasi sifatida asos solingan.
Adabiyotlar
tahrir- OʻzME. Birinchi jild. Toshkent, 2000-yil
 |