Vikipediya

Vladimír Coufal

Chexiyalik futbolchi

Vladimír Coufal (1992-yil 22-avgustda tugʻilgan) — Chexiya milliy futbol terma jamoasi va Angliya Premer-liganing West Ham United klubida oʻng qanot himoyachisi sifatida oʻynaydigan professional futbolchi. U ilgari Bílovec, Hlučín, Opava, Slovan Liberec va Slavia Prague klublarida oʻynagan.

Vladimir Coufal
Coufal 2022-yil West Ham United safida
Shaxsiy maʼlumot
Toʻliq ismi Vladimír Coufal[1]
Tavallud sanasi 22-avgust 1992-yil (1992-08-22) (32 yosh)
Tavallud joyi Ludgeřovice, Chexoslovakiya
Boʻyi 1.74 m[2]
Ampluasi Himoyachi
Klub maʼlumoti
Joriy klub
 West Ham United
Raqami 5
Yoshligida aʼzo boʻlgan klublar
Baník Ostrava
Professional faoliyati*
Yillar Jamoa Isht. (Gol.)
2009–2010 Bílovec
2010–2012 Hlučín 14 (0)
2012 → Opava (ijara) 13 (1)
2012–2018 Slovan Liberec 118 (3)
2018–2020 Slavia Prague 65 (6)
2020– West Ham United 129 (0)
Milliy terma jamoa
2014 Chexiya U21 2 (0)
2017– Chexiya 49 (1)
*Professional klublardagi gollari (ichki chempionat)
(14-sentyabr uchun)

Klublardagi faoliyati

tahrir

Dastlabki faoliyati

tahrir

Coufal oʻz faoliyatini mahalliy Baník Ostrava klubida boshlagan va u yerda akademiyada o‘ynagan. Ammo 17 yoshida bo'yi past va nimjon deb topilib klubdan chiqarib yuborilgan[3]. 2009-yilda Baník Ostravadan chiqarib yuborilganidan keyin Coufal havaskor klub hisoblangan ŠSK Bílovec safiga borib qo‘shilgan. U Baník o‘zining professional futbolchi bo‘lish imkoniyatini yo‘q qilgan deb hisoblagan va Bílovecdagi vaqtini 40 yoshli erkaklar bilan o‘ynashga qiyoslagan. Ularning aksariyati kolbasa va pivo, ishdan keyin ichish uchun o‘ynashgan deb ta’riflagan[3][4].

Hlučín

tahrir

Coufal o‘zining professional faoliyatini Hlučín klubida boshlagan va 2010-yil sentabr oyida 2. Liga o‘yinida Dukla Pragaue jamoasiga qarshi debyut qilgan[5]. 2010–2011-yilgi mavsumda Coufal klub safida 14 ta o‘yinda maydonga tushgan[6].

Opava (ijara)

tahrir

Coufal 2011–2012-yilgi mavsumni 2. Liga klubi Opavada ijara asosida o‘tkazgan va bu davrda 13 ta o‘yinda ishtirok etib, bir gol kiritgan[6].

Slovan Liberec

tahrir

Hlučín va Opavada 2-diviziondagi yaxshi natijalaridan so‘ng Coufalni Chexiya Birinchi ligasining Slovan Liberec klubi sotib olgan. Coufal Sparta Prague klubida sinov mashg'ulotlarida qatnashgan bo'lishiga qaramay, ular Coufalni emas, balki Pablo Gilni o'z saflariga qo'shib olishgan[7].

Coufal o'zining birinchi mavsumida jamoa safida 10 ta o‘yinda ishtirok etgan[6]. 2013–2014-yilgi mavsumda u jamoaning asosiy futbolchisiga aylangan va 21 ta o‘yinda ishtirok etgan[6]. Keyingi uch mavsum davomida Coufal barqaror o‘yin ko‘rsatgan va Liberec safida 57 ta liga o‘yinida maydonga tushgan[6].

Coufalning Liberecdagi so‘nggi mavsumi uning eng muvaffaqiyatlisi bo‘lgan. U jamoa safida 30 ta o‘yinda maydonga tushgan. 2 ta gol kiritgan va shu natijalari unga Chexiya terma jamoasiga chaqiruv olib kelgan[6][5]. U Liberecda olti mavsum o‘tkazgan, 150 dan ortiq o‘yinda ishtirok etgan va 2015-yilda Chexiya kubogini qo‘lga kiritgan[8]. Liberecdagi faoliyati davomida Coufal jamoa sardori darajasigacha ko'tarilgan[4].

SK Slavia Prague

tahrir

Coufal Liberecdagi muvaffaqiyatli o‘yinlari tufayli 2018-yilning 1-iyul kuni Slavia Prague klubiga 18 million krona evaziga uch yillik shartnoma asosida ko‘chib o‘tgan. U yerda u Liberecdagi murabbiyi Jindřich Trpišovský bilan yana qayta birga ishlagan .

2018–2019-yilgi mavsumda Coufal Slavia safida 28 ta o‘yinda maydonga tushgan. Jamoa safida 3 ta gol urgan va jamoaga Chexiya Birinchi ligasi chempionligini qo‘lga kiritishda yordam bergan. Keyingi mavsumda, 2019–2020-yilgi mavsumda Coufal yana 32 ta o‘yinda ishtirok etgan bo'lib, 3 ta gol kiritgan. O'sha yilgi mavsum COVID-19 pandemiyasi tufayli ikki oyga to‘xtatilgan edi . O'sha mavsumda Coufal va Slavia yana chempionlikni qo‘lga kiritishgan. 2020–2021-yilgi mavsumda Coufal 5 ta o‘yinda ishtirok etdi va keyin West Ham United jamoasiga transfer qilingan[9].

West Ham United

tahrir

2020-yil 2-oktabrda Coufal Premer-liganing West Ham United klubiga 5,4 million funt evaziga qo'shilgan. Jamoa va futbolchi uch yillik shartnomaga qo'l qo'yishgan[8]. U yerda Coufal vatandoshi va sobiq jamoadoshi Tomáš Souček bilan yana qayta birga o'ynay boshlashgan. Coufal 2020-yil 4-oktabrda Leicester Cityga qarshi o‘yinda debyut qilgan. Ushbu o'yinda uning jamoasi 3–0 hisobida g‘alaba qozongan[10]. Coufal West Hamdagi ilk mavsumida 7 ta golli uzatma amalga oshirgan va bu natija bo‘yicha Aaron Cresswelldan so'ng jamoadagi 2-natija edi. Ikki himoyachi Premer-ligada eng ko‘p assist bergan duet bo‘lgan[11]. Coufal 2020–21-yilgi mavsumda Hammer of the Year mukofoti uchun ikkinchi o‘rinni egallagan. Ushbu sovrinni vatandoshi Souček qo‘lga kiritgan[12].

Xalqaro faoliyati

tahrir

2014-yilda Coufal Chexiyaning 21 yoshgacha bo‘lgan terma jamoasi safida ikkita o‘yinda qatnashgan[13].

Coufal Chexiya terma jamoasi safidagi debyutini 2017-yil 11-noyabr kuni Qatar bilan bo‘lgan o‘rtoqlik uchrashuvida o‘tkazgan[14]. 2020-yil 4-sentabrda Coufal Chexiya terma jamoasi uchun ilk golini qo‘shni Slovakiyaga qarshi UEFA Millatlar ligasi o‘yinida kiritgan[15].

Coufal 2020-yilgi Yevropa chempionati ishtirokchisi bo‘lib, jamoasi chorak finalda Daniyaga mag‘lub bo‘lgan[16][17]. 2021-yil 16-noyabrda u birinchi marta Chexiya terma jamoasida sardor sifatida Estoniyaga qarshi JCh saralash o‘yinida maydonga tushgan va ushbu o'yinda jamoa 2-0 hisobida g‘alaba qozongan[18].

2023-yil 19-noyabrda Coufal Jakub Brabec va Jan Kuchta bilan birga Moldova bilan bo‘lishi rejalashtirilgan Yevro-2024 saralash o‘yini oldidan tungi klubga borganligi uchun Chexiya terma jamoasining yig‘inidan chiqarib yuborilgan[19]. 2024-yil may oyida u Chexiya terma jamoasi tarkibida Yevro-2024 uchun tanlangan tarkib safiga qayta kiritilgan.[20].

Shaxsiy hayoti

tahrir

Coufal Chexiyaning Ludgeřovice qishlog‘ida tug‘ilgan. Uning onasi Alena Dřevjaná 1988-yilgi Yozgi Olimpiya o‘yinlarida Chexoslovakiya gimnastika jamoasi tarkibida ishtirok etgan. Coufalning aka-uka va opa-singillari Petr va Jana figurali uchish sporti bilan shug‘ullanishadi[21].

Manbalar

tahrir
  1. ↑ „2020/21 Premier League squads confirmed“. Premier League (2020-yil 20-oktyabr). Qaraldi: 2020-yil 26-oktyabr.
  2. ↑ „V. Coufal“ (en). West Ham United F.C.. Qaraldi: 2023-yil 10-iyun.
  3. ↑ 3,0 3,1 McGrath, Mike „The rise of Vladimir Coufal: 'How I escaped playing for sausages and beer to find my home at West Ham'“ (2022-yil 23-aprel).
  4. ↑ 4,0 4,1 „‘If you don’t have a broken leg, you can play’ – West Ham’s new ‘psycho’ Vladimir Coufal ready for Wales test“. The Times (2021-yil 29-mart). Qaraldi: 2022-yil 24-fevral.
  5. ↑ 5,0 5,1 „West Ham United sign Czech Republic international Vladimír Coufal | West Ham United“. West Ham United F.C.. Qaraldi: 2020-yil 18-oktyabr.
  6. ↑ 6,0 6,1 6,2 6,3 6,4 6,5 „V. Coufal“. Soccerway. Qaraldi: 2020-yil 18-oktyabr.
  7. ↑ „Před šesti lety nebyl Coufal pro Spartu dost dobrý, teď jí to vrátil i s úroky“ (cs). Expres (2018-yil 5-iyun). Qaraldi: 2022-yil 24-fevral.
  8. ↑ 8,0 8,1 „West Ham United sign Czech Republic international Vladimír Coufal“. West Ham United F.C. (2020-yil 2-oktyabr). Qaraldi: 2020-yil 2-oktyabr.
  9. ↑ „Bubliny snů“ (cs). Bez frází. Qaraldi: 2022-yil 28-aprel.
  10. ↑ „Watch: Every Aaron Cresswell and Vladimír Coufal assist from the 2020/21 season“. West Ham United F.C. (2021-yil 31-may). Qaraldi: 2021-yil 13-iyul.
  11. ↑ „West Ham end Leicester's 100% winning start“.
  12. ↑ „West Ham United supporters crown Tomáš Souček 2020/21 Betway Hammer of the Year!“. West Ham United F.C. (2021-yil 6-avgust). Qaraldi: 2021-yil 6-avgust.
  13. ↑ „Vladimír Coufal“. FAČR. Qaraldi: 2022-yil 28-aprel.
  14. ↑ Palička, Jan; Novák, Miloslav. „Oni snad nebyli ani zpocení, žasl debutant Coufal. Byl šťastný za výhru“ (cs). Mladá fronta Dnes. Prague: Mafra (2017-yil 11-noyabr).
  15. ↑ „Čtenáři ocenili výkon na Slovensku, nejvíc je potěšil Coufal“ (cs). Mladá fronta Dnes. Prague: Mafra (2020-yil 5-sentyabr).
  16. ↑ „Vladimír Coufal and Tomáš Souček called up by Czech Republic for UEFA Euro 2020“. West Ham United (2021-yil 24-may). Qaraldi: 2021-yil 4-iyul.
  17. ↑ „Czech Republic 1-2 Denmark“. BBC Sport (2021-yil 3-iyul). Qaraldi: 2021-yil 4-iyul.
  18. ↑ „Vladimír Coufal“ (cs). Bez frází (2022-yil 28-aprel).
  19. ↑ Leeks, Jacob „West Ham star among three banished from national team after "fundamentally violating" rules“. Mirror Online (2023-yil 19-noyabr). Qaraldi: 2023-yil 20-noyabr.
  20. ↑ „Euro 2024: West Ham's Tomas Soucek and Vladimir Coufal in Czech squad“. BBC Sport (2024-yil 28-may). Qaraldi: 2024-yil 28-may.
  21. ↑ „V Baníku ho nechtěli, v Premier League Vladimír Coufal září“ (cs). Deník (2021-yil 22-mart). Qaraldi: 2022-yil 24-fevral.

Havolalar

tahrir
 
 Vikiomborda Vladimír Coufal
haqida turkum mavjud 
"https://uz.wikipedia.org/w/index.php?title=Vladimír_Coufal&oldid=5345173" dan olindi