Vladimir Lisichkin

Vladimir Aleksandrovich Lisichkin (1941-yil 3-oktyabr, Toshkent, SSSR) – sovet va rus iqtisodchisi, siyosatchi, prognozlash ilmiy fanining asoschisi, yozuvchi, kolleksiyalar yigʻuvchi. Falsafa fanlari nomzodi, iqtisod fanlari doktori (1974), professor. Birinchi va ikkinchi chaqiriq Davlat Dumasi deputati (LDPR fraksiyasi, 1993–1995). Mulk, xususiylashtirish va xoʻjalik faoliyati qoʻmitasi raisining oʻrinbosari boʻlgan. Liberal-demokratik partiyasi aʼzosi.

Vladimir Lisichkin
Tavalludi	3-oktyabr 1941-yil Toshkent, OʻzSSR, SSSR
Fuqaroligi	Rossiya
Ish joylari	Moskva Davlat universiteti
Ilmiy darajasi	iqtisodiyot fanlari doktori

Biografiyasi

Vladimir Aleksandrovich Toshkentda qarindoshi taniqli jarroh (keyinchalik cherkov tomonidan kanonizatsiya qilingan) yepiskop Luka (Voyno-Yasenetskiy)ning uyida tavallud topgan. 1958-yilda Moskva yaqinidagi Lyubertsi shahridagi oʻrta maktabni kumush medal bilan tugatgan. Shundan soʻng oilasi bilan Odessaga koʻchib oʻtgan.

Lisichkin „Ilmiy-texnika taraqqiyotini prognozlash“ mavzusida doktorlik dissertatsiyasi yoqlagan. Bir qator Rossiya davlat akademiyalari: Rossiya Tabiiy fanlar akademiyasi, Rossiya muhandislik akademiyasi, Xalqaro informatika va axborot texnologiyalari akademiyasi, Xalqaro muhandislik fanlari akademiyasi aʼzosi boʻlgan. Rossiya Iqtisodiy fanlar va tadbirkorlik akademiyasining akademik-kotibi lavozimida faoliyat olib borgan. Amerika Fanlar Akademiyasi (San-Fransisko) va Bolgariya Fanlar Akademiyasi akademigi boʻlgan. Xalq xoʻjaligi tarmoqlarini boshqarish, ilmiy-texnikaviy prognozlash va ekologiyaga oid 50 dan ortiq kitob va risolalar, 200 dan ortiq maqolalar muallifi. Lisichkinning asarlar 18 ta tilga tarjima qilingan.

Vladimir Aleksandrovich akademik J. M. Gvishianining qizi bilan oila qurgan. Uch nafar farzandi bor.

Birinchi rafiqasi Anashkina Lyubov Yakovlevna filolog boʻlgan.

Katta qizi Yuliya Vladimirovna Lisichkina (1963-yil) MGIMO da dotsenti boʻlgan. Nevaralari: Yelena Grashenkova va Anastasiya Grashenkova MGIMO bitiruvchilari.

Ikkinchi rafiqasi Olga Lisichkina iqtisodchi boʻlgan. Farzandlari: Mariya Vladimirovna Lisichkina – Moskva davlat lingvistik universiteti bitiruvchisi, Kirill Vladimirovich Lisichkin – Moskva davlat universitetining yuridika fakulteti bitiruvchisi.

Vladimirning qiziqishlari: rasm chizish, musiqa, sayohat. Moskvada, Xamovniki tumanida yashaydi. Uning Nikolina Gorada dachasi bor.