Vikipediya

Willy William

Willy Fauade William (1981-yil 27-iyunda tugʻilgan) – fransiyalik DJ, prodyuser va qoʻshiqchi boʻlib, oʻzining remikslari hamda bir qator sanʼatkorlar bilan ijro etgan vokallari bilan mashhur. Shuningdek, fransuzcha „Ego“ va lotincha „Mi Gente“ (J Balvin bilan) xitlari bilan jahon miqiyosida mashhurlikka erishgan.

Willy William
William 2016-yilda
William 2016-yilda
Umumiy maʼlumot
Tavalludi Willy Fauade William[1]
27-iyun 1981-yil (1981-06-27) (43 yosh)[2]
Fréjus, Fransiya
Janrlar Elektron musiqa[3]
Kasbi
  • DJ
  • prodyuser
  • qoʻshiqchi
  • qoʻshiqnavis
Faoliyat yillari 2003–hozirgi kungacha
Leybllar Scorpio Music[4]
Fuqaroligi Fransiya

Hayoti

tahrir

Willy Fauade William 1981-yil 27-iyunda Fransiyaning Fréjus kommunasida tugʻilgan. Uning otasi Guadeloupelik, onasi esa Eritreyalik boʻlgan[5]. U Sarthe departamentidagi Champagne kommunasida oʻsgan.

Faoliyati

tahrir

Willy William 2003-yilda DJ Flex bilan birgalikda „B Boyz Shake da Body“ shousida qilgan chiqishi hamda 2004-yilda Lord William taxallusidan foydalangan holda „Tragedie“ albomining prodyuseri boʻlgani bilan mashhurlikka erishgan[6]. Keyinchalik u Collectif Métissé nomli fransuz musiqiy jamoasiga qoʻshilgan, shuningdek, yakkaxon tarzda oʻz materiallarini ishlab chiqarishni ham davom ettirgan[7].

U koʻplab sanʼatkorlar bilan hamkorlik qilgan, shuningdek, oʻz qoʻshiqlarini ham chiqara boshlagan. William DJ Assad bilan „Li tourner“, Les Jumo bilan „C Show“ va „L’Italienne“, KeenʼV bilan „On s’endort?“ hamda Ridsa bilan „Je nʼai pas eu le temps“ qoʻshiqlarini chiqargan[8].

2016-yilda William oʻzi tomonidan ishlab chiqarilgan va kuylangan fransuz tilidagi „Ego“ taronasini taqdim etgan. Ushbu singl uning 2016-yilda chiqarilgan „Une seule vie“ albomining asosiy singli va yakkaxon ijrochi sifatidagi eng yaxshi fransuzcha xiti edi. „Ego“ qoʻshigʻi Fransiya, Italiya, Germaniya, Belgiya, Polsha va boshqa koʻplab mamlakatlarning xit paradlarida yuqori oʻriblarni egallagan[8].

2017-yilda u kolumbiyalik superyulduz J Balvin bilan hamkorlikda „Mi Gente“ taronasini chiqarganidan keyin xalqaro miqyosda shuhrat qozongan. Qoʻshiqning ulkan xalqaro muvaffaqiyatidan soʻng ijrochilar Beyoncé bilan birgalikda uning yangi remiks versiyasini taqdim etishgan. Qoʻshiq Latin Billboard Music mukofotiga sazovor boʻlgan va musiqiy videosi YouTubeda 2 milliarddan ortiq tomosha qilingan. 2018-yilda esa „Eng yaxshi Lotincha video“ nominatsiyasida MTV Video Music mukofotiga sazovor boʻlgan. Ketma-ket 12 hafta davomida Spotify Global chartida 1-oʻrinni egallab turgan, shu bilan birga dunyo boʻylab koʻplab mamlakatlarning xit paradlarida ham 1-oʻrinni olgan.

2018-yilda William „La La La“ nomli raqs trekini taqdim etgan. Shuningdek, u David Guetta va Jason Deruloning „Goodbye“ nomli qoʻshigʻida Nicki Minaj bilan birga ishtirok etgan.

William „Mi Gente“ taronasi uchun „Eng yaxshi DJ / prodyuser“ yoʻnalishida Latin Grammy mukofotiga nomzod sifatida koʻrsatilgan. Uning „Ego“ qoʻshigʻi esa Shazam orqali eng koʻp qidirilgan fransuz tilidagi singl hisoblanadi.

Diskografiyasi

tahrir

Albomi

tahrir
Nomi Chiqarilgan yili Chartlardagi oʻrni Treklist
FRA
 BEL
(Wa)
Une seule vie 2016-yil 12 20
  1. „Te quiero“ (radio versiyasi)
  2. „Ego“ (radio edit)
  3. „Une seule vie“
  4. „Suis-moi“ (Vitaa bilan)
  5. „Le tour du monde“ (Natty Rico & Mika V bilan)
  6. „Dangereuse“ (Makassy bilan)
  7. „Qui tu es?“
  8. „Tentation“
  9. „Les 6T d’or“
  10. „Tes mots“
  11. „On s’endort“ (Keen'V bilan)
  12. „Love“
  13. „Personne nʼest parfait“ (JMI Sissoko bilan)
  14. „Les souris dansent“
  15. „Dernier jour“ (Willy Denzey bilan)
  16. „Si j'étais le même“

Manbalar

tahrir
  1. ↑ „Work ID 892724537“. ASCAP. Qaraldi: 2022-yil 26-may.
  2. ↑ William, Willy „I don't know why Wikipedia keeps making my birthday April 14th, it is on June 27th haha. But thank you for the birthday wishes anyway! #fypシ“. TikTok. Qaraldi: 2023-yil 28-dekabr.
  3. ↑ „J Balvin's Fast-Rising "Mi Gente" Is A Challenge To The US-Centric Pop World“. BuzzFeed (2017-yil 10-avgust).
  4. ↑ Havens, Lyndsey (Sep 25, 2017). „How French Indie Label Scorpio Music's Founder Scored Global Hits Four Decades Apart, From 'Y.M.C.A.' to 'Mi Gente'“. Billboard (inglizcha). Jul 16, 2023da asl nusxadan arxivlandi. Qaraldi: 7 August 2023.
  5. ↑ „Willy William (Mi gente)... Je n'étais pas la personne à laquelle il fallait s'attacher“. YouTube.
  6. ↑ „South Indies Crew: Willy William biography“.
  7. ↑ „Collectif Metisse“. Skyrock. 2021-yil 28-aprelda asl nusxadan arxivlangan. Qaraldi: 2024-yil 15-oktyabr.
  8. ↑ 8,0 8,1 „Booking Stars Ltd. Booking & Touring Agency. - Willy William“. bstars.eu. 2021-yil 26-yanvarda asl nusxadan arxivlangan. Qaraldi: 2024-yil 15-oktyabr.

Havolalar

tahrir 
"https://uz.wikipedia.org/w/index.php?title=Willy_William&oldid=5311947" dan olindi