Xiaomi

Xiaomi Corporation (talaffuzi: Shuomi Korpareyshn) — Xitoyning elektron uskunalar ishlab chiqaruvchi kompaniyasi boʻlib, 2010-yilning aprel oyida asos solingan. Bosh ofisi Pekinda joylashgan. Xiaomi smartfonlar, mobil dasturlar, noutbuklar, sumkalar, quloqchinlar, MI televezorlar, oyoq kiyimlar, fitnes brasletlar va boshqa koʻplab mahsulotlar ishlab chiqaradi va ularni ishlab chiqarishga investitsiya qiladi. Xiaomi shuningdek, Apple, Samsung va Huaweidan soʻng telefon chiplarini oʻzi ishlab chiqara olgan toʻrtinchi kompaniyadir. Xiaomi oʻzining dastlabki smartfonini 2011-yil avgustda taqdim etdi va tezkorlik bilan Xitoy bozoriga tarqaldi va 2014-yilga kelib mamlakatning eng katta smartfon kompaniyasiga aylandi. 2018-yilning toʻrtinchi choragiga kelib esa Xiaomi dunyoning toʻrtinchi eng katta smartfon ishlab chiqaruvchisiga aylandi, Hindiston va Xitoy bozorlarida ham yetakchilikni qoʻlga oldi. 2019-yilning may oyida qirqdan ortiq mamlakat smartfon bozorlarida dastlabki beshlikda turdi. Xiaomining dunyo boʻylab 16700 dan ortiq ishchilari mavjud. U Hindiston, Yaponiya, Rossiya, Janubiy Koreya, Janubiy Afrika va boshqa koʻplab Janubiy Osiyo va Gʻarbiy Yevropa,O'rta Osiyo mamlakatlari boʻylab keng yoyilib bormoqda. Hozirgi kunda kelib Xiaomi dunyoning 90dan ortiq mamlakatlari boʻylab sotiladi. Forbes jurnali maʼlumotlariga koʻra kompaniya asoschisi Lei Jun 12.5 millard AQSh dollarining egasidir. Xiaomi oʻz investorlaridan 1.1 millard AQSh $ olganidan soʻng 46 milliard AQSh dollarlik kompaniyaga aylana olgan dunyoning texnologiya boʻyicha eng yaxshi toʻrtinchi start-upidir. Oʻzining arzonligi tufayli Xiaomi smartfonlari Oʻzbekiston bozorlariga ham shiddat bilan kirib kelmoqda. Devicelarning arzonligiga toʻxtalib oʻtar ekan kompaniya vitse-prezidenti, ular smartfonlarning apparat qismidan deyarli hech qanday foyda olmasliklarini taʼkidlab oʻtadilar. Foydaning asosiy qismi smartfonlarda reklama koʻrsatishdan ekan.

Elektromobil

Xiaomi kompaniyasi „Xiaomi 2021“ deb nomlangan taqdimot marosimida oʻzining birinchi elektromobili prototipini taqdim etdi^[1].

Manbalar

↑ „«Xiaomi» ўзининг биринчи электромобили прототипини намойиш қилди“. Bugun.uz. 2021-yil 6-avgustda asl nusxadan arxivlangan. Qaraldi: 2021 йил 31 март.

Havolalar

Rasmiy sayti

Ushbu maqola chaladir. Siz uni boyitib, Vikipediyaga yordam berishingiz mumkin.
Bu andozani aniqrogʻiga almashtirish kerak.

[1] „«Xiaomi» ўзининг биринчи электромобили прототипини намойиш қилди“. Bugun.uz. 2021-yil 6-avgustda asl nusxadan arxivlangan. Qaraldi: 2021 йил 31 март.

[1]