Yevgeniy Kamenev

Yevgeniy Mixaylovich Kamenev (1910-yil 26-fevral, Toshkent – 1963-yil, Moskva) – sovet radiofiziki, davlat mukofotlari laureati, Ulugʻ Vatan urushi qatnashchisi.

Yevgeniy Kamenev
Tavalludi	26-fevral 1910-yil Toshkent
Vafoti	1963-yil Moskva

Tarjimai holi

Kamenev 1910-yil 26-fevralda Toshkent shahrida tavallud topgan. Otasi farmatsevt (kazaklardan), onasi savdogar boʻlgan.

1927-yilda Oʻrta Osiyo universitetining (SAGU) fizika-matematika fakultetiga oʻqishga kirgan. Soʻngra kasallik (tropik bezgak) tufayli Leningrad sanoat institutiga (LII) oʻqishini koʻchib oʻtkazgan va uni 1934-yilda tugatib, mutaxassislik diplomini olgan. Yevgeniy radiofizika sohasida tadqiqotchi muhandis boʻlgan. 1932-yildan radiofizika laboratoriyasida ishlagan.

1936-yilda OSOAVIAXIM (Mudofaa, aviatsiya va kimyo muhandisligini targʻib qilish jamiyati) uchuvchilar va planerlar maktabini tamomlagan. 1939-yilda LPI tavsiyasiga koʻra "Hurmat Belgisi" ordeni bilan taqdirlangan.

Yevgeniy Kamenev 1939–1940 va 1941–1946-yillarda Qizil Armiya safida xizmat qilgan. Sovet-Fin va Ulugʻ Vatan urushi qatnashchisi boʻlgan va uch marta Vatan urushi ordeni bilan taqdirlangan.

1946–1963-yillar oraligʻida Atom energiyasi institutida faoliyat olib borgan. 1947-yildan 2-sonli laboratoriya va diffuziya zavodi ishini taʼminlash uchun texnologik jarayonlarni boshqarish, masofaviy signalizatsiya, fizik va fizik-kimyoviy tadqiqotlarni ishlab chiqish bilan shugʻullanadigan laboratoriyaga rahbarlik qilgan.

Yevgeniy 1951-yildan uran izotoplarini ajratish uchun sentrifugalarni yaratishda ishtirok etgan. 1953-yildan boshlab yadroviy qurolning atmosfera sinovlarini masofadan qayd etish masalalari ustida bir qancha izlanishlar olib borgan.

Fadiofizik olim 1963-yil Moskva shahrida vafot etgan.

Mukofotlari

Kamenev 1954-yilda "Hurmat belgisi" ordeni hamda 1956-yilda "Mehnat Qizil Bayroq" ordeni bilan mukofotlangan.

1951-yil Stalin va 19661-yil Lenin mukofotlari sohibi boʻlgan.