ZIP

ZIP maʼlumot siqish va arxivlash formatidir. ZIP fayl bir yoki bir necha faylni oʻz ichiga oladi. Bu fayllar siqilgan boʻlishi shart emas. ZIP fayl formati har xil siquv algoritmlarini qoʻllab-quvvatlaydi.

ZIP formati 1989-yili Phil Katz va Gary Conway tomonidan ishlab chiqilgan boʻlib, PKZIP utilitasida qoʻllangan; bungacha Thom Hendersonninng ARC formati ishlatilar edi. ZIP formati hozirda koʻpgina utilitalarda qoʻllanadi (masalan, WinRAR). Microsoft 1998-yildan beri Windows ishlatuv tizimiga ZIP fayllarini ochish imkoniyatini joylagan. Apple ham Mac OS X tizimining 10.3 versiyasidan beri shu ishni qilib kelmoqda.

ZIP fayllar odatda ".zip" yoki ".ZIP" kengaytmalari, MIME tipi esa application/zip bilan belgilanadi.