Ahlam
Ahlam bint Ali bin Hazeem Al Shamsi (arabcha: أحلام بنت علي بن هزيم الشامسي 1968-yil-13-fevralda tugʻilgan), Ahlam (arabcha: أحلام) nomi bilan mashhur, arab qoʻshiqchisi va aktrisasi. U jami 14 ta albom va koʻplab singllarni chiqargan. 2011-yilda Ahlam MBCning Arab Idol hakamlar hayʼatiga qoʻshilgan. U shuningdek, The Voice: Ahla Sawt qoʻshiq tanlovida 4-mavsumda hakam va murabbiy boʻlgan.
| Ahlam | |
|---|---|
 | |
| Umumiy maʼlumot | |
| Tavalludi |
Ahlam bint Ali bin Hazeem Al Shamsi أحلام بنت علي بن هزيم الشامسي 13-fevral 1968 |
| Fuqaroligi | Birlashgan Arab Amirliklari |
| Turmush oʻrtogʻi | Mubarak Al-Hajiri |
| Janr | Arab musiqasi, Khaliji, Pop |
| Faoliyat yillari | 1995-hozirgacha |
| Veb-sayt | http://ahlam-alshamsi.com/ |
Biografiyasi tahrir
Ahlam bint Ali bin Hazeem Al Shamsi Birlashgan Arab Amirliklarining Abu Dabi shahrida tugʻilgan. Otasi Arabistonlik, onasi Bahraynlik. Uning otasi arab xalq qoʻshiqchisi Ali Al Shamsiydir. Ahlam bolaligida Bahraynda katta boʻlgan. U mashhur Qatar ralli chempioni Muborak Al-Hajiriyga turmushga chiqqan, ularning Fahed (2004-yilda tugʻilgan), Fotima (2008) va Lulva (2010) ismli uch farzandi bor.
2011-yilda Ahlam livanlik qoʻshiqchilar Vael Kfoury va Nancy Ajram va misrlik bastakor Hassan El Shafey bilan birga MBC-ning Arab Idol hakamlar hayʼatiga qoʻshilgan[1]. U 2012-2014 va 2017-yillarda ketma-ket 4 mavsum uchun bu lavozimda qolgan. U shuningdek, 2018-yilda The Voice: Ahla Sawt qoʻshiq tanlovining 4-mavsumida hakam va murabbiy boʻlgan.
2016-yilning mart oyida Dubay televideniyesida uning munozarali The Queen shousining birinchi epizodi efirga uzatilgandan soʻng, tomoshabinlar va boshqa odamlar tomonidan „odob-axloq yoʻqligi“ „kamsituvchi harakatlar koʻrsatilishi“ kabi koʻplab axloqiy sabablarga koʻra dasturni toʻxtatilishini talab qilib, mashhur Twitter xeshtegi ishga tushirilgan[2]. Bir nechta livanlik jurnalistlar va taniqli shaxslar uni Livanga va boshqa arab mamlakatlariga kirishiga yoʻl qoʻymaslik uchun livanliklar[3] haqidagi fikrlari, jumladan Twitter xeshtegi uchun yana tanqid qilish imkoniyatidan foydalanishgan[3]. Dastur Khaleeji teleradiokompaniyasi tomonidan birinchi epizoddan soʻng toʻxtatilgan.
Diskografiyasi tahrir
Albomlar tahrir
- أحبك موت (Men seni oʻlguncha sevaman) (1995)[4]
- مع السلامة (Xayr) (1996)
- كيف ارضى (Qanday rozi boʻlay) (1997)
- ما يصح الا الصحيح (1998)
- طبيعي (Normal) (1999)
- مختلف (Turli xil) (2000)
- أحسن (Yaxshiroq) (2003)
- الثقل صنعه (Vazn) (2006)
- هذا أنا (Bu men) (2009)
- موعدك (Sening vaqting) (2013)
- فدوة عيونك (Koʻzlaringning Sevgisi) (2021)
Manbalar tahrir
- ↑ „Ahlam promises to surprise fans in Arab Idol“. Al Bawaba. Qaraldi: 2014-yil 4-noyabr.
- ↑ „Ahlam dethroned as "Queen" by Dubai TV!“. Al Bawaba (2016-yil 20-mart). — „Emirati singer Ahlam's show "The Queen" has been axed by Dubai TV“.
- ↑ 3,0 3,1 „Emirati pop star Ahlam enrages Lebanese calling them 'falafel-peddlers'“ (2016-yil 25-mart).
- ↑ „Ahlam“. 2013-yil 23-oktyabrda asl nusxadan arxivlangan. Qaraldi: 2013-yil 2-oktyabr.