Ahmad Yunusov

Ahmad Yunusov (1923.10.5, Toshkent) — musiqa muharriri, rejissyor Oʻzbekistonda xizmat koʻrsatgan madaniyat xodimi (1968), Yunus Rajabiyning oʻgʻli. Oʻrta Osiyo universiteti (1952), Toshkent teatr va rassomlik sanʼati institutining 1 yillik rej.lik kursini (1953) tugatgan. Yangiyoʻldagi „Toshsovet“ teatrida aktyor (1941—1945). Toshkent toʻqimachilar kombinati klubi (1947—1994), ToshMI qoshida (1948—1994), Mirzachoʻl (hozirgi Guliston) shahar madaniyat uyida (1964—1969) „Xalq teatri“ unvoniga sazovor boʻlgan havaskor teatr jamoalarining tashkilotchisi va rahbari. Rej. sifatida saxnalashtirgan spektakllari: „Yurak sirlari“ (B. Rahmonov), „Makr va muhabbat“ (F. Shiller), „Imon“ (I. Sulton), „Sharqtongi“ (N. Safarov), „Mexribonlar“, „Toshkesar“ (Alp Jamol) va boshqa Ayni paytda Oʻzbekiston televideniyesining musiqa tahririyatida muharrir va boʻlim boshligʻi lavozimlarida ishlab (1957—1994), „Marxabo, talantlar“, „Sanʼatkorlar hosil ustalariga“ kabi turkum koʻrsatuvlar, shuningdek, Sh. Rahimova, M. Azizova, M. Mirzayev, Sayfi Jalil, S. Kalonov, S. Xoʻjayev, M. Gʻofurov kabi sanʼatkorlarning ijodiy portret va konsertlarini tayyorlagan.