Ajdar minorasi
Ajdar minorasi (xitoy yozuvida: 龙塔, pinyin tizimida: lóng tǎ) yoki Heiluntzyan minorasi (xitoycha: 黑龙江塔) — Xitoyning Xarbin shahridagi radio va televidenie minorasi.
Qurilishi tahrir
Minora meʼmori professor Marin Le[1] dir. Hukumat loyiha uchun 200 million yuanga yaqin mablagʻ ajratgan. Ajdar minorasi qurilishi 1998-yil aprel oyida boshlangan va 2000-yil 28-oktabrda yakunlangan, 2002-yil 29-oktabrda rasman turizm uchun ochilgan[1].
Balandligi tahrir
Minoraning balandligi 336 metr[2] boʻlib, u Osiyodagi eng baland teleminoralar orasida 7-oʻrinni, dunyodagi eng baland teleminoralar orasida esa 22-oʻrinni egallaydi. Toʻliq poʻlatdan yasalgan minoralar orasida Ajdar minorasi Osiyodagi eng baland va dunyodagi ikkinchi eng baland minora (Ukrainadagi Kiev minorasidan keyin)[3] hisoblanadi.
Foydalanilishi tahrir
Minoraning birinchi qavatlarida Xitoy tarixidagi buyuk shaxslarning (imperatorlar, harbiy rahbarlar, sayohatchilar, ixtirochilar va siyosatchilar) mumdan yasalgan siymolari[4], kafelar, doʻkonlar, galereya va dorixona[2][5] mavjud. Yuqori qavatlarda televidenie va radioeshittirishlar olib boriladi.
186 metr balandlikda aylanuvchi shved dasturxoni restorani[5], 190 metr balandlikda esa Amur irmogʻi Songhua daryosini koʻrish mumkin boʻlgan kuzatuv maydonchasi mavjud[4].
2007-yilda minorada 110 metr balandlikda „Jasurlar uchun oʻyinchoq“ deb nomlangan argʻimchoq oʻrnatildi. Argʻimchoqlar bevosita kuzatish platformasi ustida joylashgan[4].
Manbalar tahrir
- ↑ 1,0 1,1 „Dragon Tower, Harbin - SkyscraperPage.com“. skyscraperpage.com. 2022-yil 10-fevralda asl nusxadan arxivlangan. Qaraldi: 2022-yil 10-fevral.
- ↑ 2,0 2,1 „Главные достопримечательности Харбина (+ много ФОТО)“ (ru-RU). Всё о самом красивом: Места, Люди, Животные и тд (2018-yil 7-aprel). 2022-yil 10-fevralda asl nusxadan arxivlangan. Qaraldi: 2022-yil 10-fevral.
- ↑ A Stereovision Measurement Method Using Epipolar Constraint to Correct Digital Image Correlation Matching // Chinese Journal of Lasers. — 2017.
- ↑ 4,0 4,1 4,2 „Башня Дракона“ (ru-ru). fregataero.ru (2014-yil 18-dekabr). 2022-yil 10-fevralda asl nusxadan arxivlangan. Qaraldi: 2022-yil 10-fevral.
- ↑ 5,0 5,1 „Башня дракона в Харбине“ (ru). www.chinahighlights.ru. 2020-yil 27-noyabrda asl nusxadan arxivlangan. Qaraldi: 2022-yil 29-mart.