Akmalxuja Yusupovich Mavlonov (1975-yilda tugʻilgan) — oʻzbek davlat arbobi, 2021-yil 18-noyabrdan Oʻzbekiston davlat bojxona qoʻmitasi raisi, bojxona xizmati general-mayori .

Biografiya tahrir

2002-yilda Toshkent davlat yuridik institutini tamomlagan. Shu yili Namangan shahar Davlatobod tumani prokuraturasida ish boshlagan, keyinchalik Namangan viloyati prokuraturasida turli lavozimlarda ishlagan. 2006 yildan Bosh prokuratura boshqarma prokurori, katta prokurori, soʻng Margʻalon tumani prokurori, Sirdaryo viloyati prokurorining birinchi oʻrinbosari va Xorazm viloyati prokurori lavozimlarida ishlagan[1].

2018-yil 25-fevralda u O‘zbekiston Bosh prokuraturasining Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti boshlig‘i, keyinroq O‘zbekiston Bosh prokuraturasi huzuridagi Iqtisodiy jinoyatlarga qarshi kurashish departamenti boshlig‘i etib tayinlangan edi. 2018-yil avgustidan 2019-yil iyuligacha O‘zbekiston Bosh prokurori o‘rinbosari lavozimida ishlagan[2]. 2019 yil iyul oyida u Namangan viloyati prokurori etib tayinlangan[3]. 2020-yil noyabr oyida u yana Bosh prokuror oʻrinbosari lavozimini egalladi[4].

O‘zbekiston Prezidentining 2021-yil 18-noyabrdagi farmoni bilan O‘zbekiston Davlat bojxona qo‘mitasi raisi etib tayinlangan va unga bojxona xizmati general-mayori unvoni berilgan[5].

Manbalar tahrir