Abdulla Aripov

Shoir Abdulla Oripov bilan adashtirib yuborilmasin.

Aripov Abdulla Nigʻmatovich
Арипов Абдулла Ниғматович
Oʻzbekiston Respublikasi Bosh vaziri
Mansab davri 2016-yil 14-dekabrdan —
Prezident	Shavkat Mirziyoyev
Oʻtmishdoshi	Shavkat Mirziyoyev
Oʻzbekiston aloqa va axborotlashtirish agentligi bosh direktori
Mansab davri 2002-yil 30-maydan — 2009-yil 27-oktabrgacha
Hukumat boshligʻi	Oʻtkir Sultonov Shavkat Mirziyoyev
Prezident	Islom Karimov
Oʻtmishdoshi	lavozim ta'sis etilgan
Vorisi	Hakim Muhiddinov
Shaxsiy maʼlumotlari
Tavalludi	24-may 1961-yil (1961-05-24) Toshkent, OʻzSSR
Fuqaroligi	Oʻzbekiston
Siyosiy partiyasi	Oʻzbekiston Liberal Demokratik Partiyasi
Maʼlumoti	Toshkent elektrotexnika aloqa instituti
Mukofotlari

Abdulla Nigʻmatovich Aripov (1961-yil 24-may, Toshkent) — Oʻzbekiston davlat arbobi, Respublika Bosh vaziri.

Tarjimai holi

• 1961-yil 24-mayda Toshkent shahrida tugʻilgan.
• Maʼlumoti — oliy. 1983-yilda Toshkent aloqa-elektrotexnika institutini (hozirgi Toshkent axborot texnologiyalari universitetini) tamomlagan.
• 1983-1992 — Toshkent telefon-telegraf stansiyasida 1-toifali muhandis.
• 1992-1993 — Oʻzbekiston Respublikasi Aloqa vazirligida bosh mutaxassis
• 1993-1995 — „Oʻzimpeksaloqa“ tashqi savdo firmasi direktorining oʻrinbosari.
• 1995-1995 — Oʻzbekiston Respublikasi Aloqa vazirligining qurilish va taʼminot boʻlimi rahbari.
• 1995-1996 — „TashAfinalAL“ korxonasi bosh direktori.
• 1996-1997 — Oʻzbekiston Respublikasi Aloqa vazirligi xususiylashtirish va raqobatni kuchaytirish boʻlimi boshligʻi.
• 1997-1997 — Oʻzbekiston pochta va telekommunikatsiya agentligi bozor islohotlari va qimmatli qogʻozlar boʻlimi rahbari.
• 1997-2000 — Pochta va telekommunikatsiyalarni rivojlantirish davlat fondi raisi.
• 2000-2001 — Oʻzbekiston pochta va telekommunikatsiya agentligi direktori oʻrinbosari.
• 2001-2002 — Oʻzbekiston pochta va telekommunikatsiya agentligi direktori.
• 2002-2005 — Oʻzbekiston Respublikasi Bosh vaziri oʻribosari — Oʻzbekiston aloqa va axborotlashtirish agentligi bosh direktori.
• 2004-yilda Toshkent axborot texnologiyalari universiteti qoshidagi ixtisoslashgan kengashda „Axborot-kommunikatsiya sohasida boshqaruv tizimini takomillashtirish muammolari“ mavzusida 08.00.05- „Menejment“ ixtisosligi boʻyicha nomzodlik dissertatsiyasini himoya qildi.
• 2005-2012 — Oʻzbekiston Respublikasi Bosh vaziri oʻribosari, aloqa, telekommunikatsiyalar, ijtimoiy soha, fan, taʼlim, sogʻliqni saqlash, madaniyat masalalari majmuasi rahbari.
• 2012-yil avgustda „MTS“ aloqa operatori bilan bogʻliq mojarolar ortidan ishdan boʻshatilgan.
• 2012-yildan 2016-yilgacha Toshkent Axborot Texnologiyalari Universiteti marketing va menejment kafedrasi mudiri.
• 2016-yil 13-sentabrda Oʻzbekiston Respublikasi Bosh vaziri oʻrinbosari lavozimiga qaytgan va yoshlar siyosati, madaniyat, axborot tizimlari va telekommunikatsiyalar masalalari majmuasi rahbari etib tayinlangan.
• 2016-yil 13-dekabrda Oʻzbekiston liberal-demokratik partiyasi tomonidan Bosh vazirlik lavozimiga nomzodi koʻrsatilgan. 14-dekabrda ushbu lavozimga tasdiqlandi.

Oilasi

Besh nafar qizi bor.