Amsterdam

Amsterdam – Niderlandiya poytaxti. Amstel daryosining quyilish yerida joylashgan. A. mamlakatning muhim iqtisodiy markazi, aholisi soniga ko‘ra eng katta shahri, yirik dengiz porti (yuk oboroti 20 mln.t.dan ortiq). Aholisi 724 ming kishi (1994; shahar atrofi bilan 1 mln.dan ziyod). Sxipxol aeroporti xalqaro ahamiyatga ega, yirik temir yoʻl tuguni. Metropoliten qurilgan. A. „Shimoliy Venesiya“ degan nom bilan ham mashhur. Am-stel daryosi va uning tarmoqlari hamda ularni tutashtirib turgan kanallar shaharni qismlarga bo‘lib yuborgan. 400dan ortiq ko‘prik mavjud. Shaharning qadimgi uylari yirik qoziqlar ustiga qurilgan. Shahar yilnomalarda dastlab 1275 yilda tilga olingan. 17-asrda savdo va kredit berishning jahon ahamiyatiga molik markazi bo‘lgan. 1795–1806 yillarda Bataviya Respublikasining, keyinroq Niderlandiya Qirolligining poytaxti.Mashinasozlik (kemasozlik, samo-lyotsozlik, elektron asboblar), neftni qayta ishlash, poligrafiya, farmatsevti-ka, kimyo, oziq-ovqat, yog‘ochsozlik sano-ati korxonalari bor. Sanoatining ko‘p tarmoqlari chetdan keltirilgan xom ashyo asosida ishlaydi. A. olmosga sayqal be-rish va olmos bilan savdo qilish sohasida yirik markaz sifatida qadimgidan mashhur. A.da Fapbiy Yevropaning eng muhim moliya va bank muassasalari joylashgan, mam-lakat madaniyati va fanining asosiy markazi. A.da IX Olimpiada o‘yinlari bo‘lib o‘tgan (1928). 2 universitet, Fanlar Akademiyasi, bir qancha ilmiy tadqiqot institutlari, ko‘pdan-ko‘p tarixiy va meʼmoriy yodgorliklari, jumladan cherkov binolari (13–17-asrlar), o‘nlab muzey (Gollandiya tasviriy sanʼat maktabi asarlari to‘plangan Dav-lat rasmlar muzeyi, 1808), Rembrand uyi (1907 yildan muzey), Dengiz muzeyi, tarix muzeyi mashhur.

Amsterdam
poytaxt
Bayroq Gerb
52°23′0″N 4°54′0″E
Mamlakat	Niderlandlar
Mintaqa	Shimoliy Gollandiya
Hukumat
• Burgomistr	Eberxard van der Lan
Ilk eslatilishi	1275
Maydon	219,07 km2
Markazi balandligi	4767 m
Aholisi  (2012)	790 044
Vaqt mintaqasi	UTC+1
Telefon kodi	+31 020
Pochta indeks(lar)i	10xx10xx
Avtomobil kodi	01 – 09, (10, 30 – eskisi)
Amsterdam

Galeriya

Shahar koʻrki

Shahar jilosi Shaharning Madaniyat kutubhonasi yon tomonidan ko'rinishi

Shaharning ko'rinishi

Amsterdamning Zuidas tumani

Amsterdam ko'chalarida tramvay

Adabiyotlar

• OʻzME. Birinchi jild. Toshkent, 2000-yil