Anna Prakaten
Anna Vitalyevna Prakaten (ruscha: Anna Vitalevna Prakaten; 6-sentyabr, 1992-yil[1]; Minsk, Belarus[2]) — Oʻzbekiston eshkak eshuvchisi, ilgari Belarus (2016-yilgacha) va Rossiya (2017-2022) nomidan qatnashib kelgan. 2020-yilgi Yozgi Olimpiada oʻyinlarining kumush medalchisi, 2021-yilgi Yevropa chempioni[1], 2022-yilgi Osiyo oʻyinlari chempioni. Rossiyaning xizmat koʻrsatgan sport ustasi (2021-yil)[2].
| Anna Prakaten | |
|---|---|
.jpg) Anna Prakaten 2024-yilda | |
| Shaxsiy maʼlumotlari | |
| Jinsi | ayol |
| Fuqaroligi |
 Belarus |
| Tavallud sanasi |
6-sentyabr 1992-yil Minsk, Belarus |
| Sport | |
| Mamlakat |
Belarus  Rossiya  Oʻzbekiston |
| Qaysi sport | Eshkak eshish |
| Murabbiy(lar)i | Andrey Kostygov |
| Medallar | |
 | | |
Hayoti
tahrir1992-yilda Minskda tugʻilgan. Maktabda oʻqiyotgan paytida boʻyi baland boʻlgani uchun eshkak eshish boʻyicha murabbiy nazariga tushgan. Tez orada Minsk shahridagi suv sporti boʻyicha bolalar va oʻsmirlar olimpiya zaxiralari maktabida oʻqishini davom ettiradi. Ushbu Olimpiya ixtisoslashtirilgan bolalar va oʻsmirlar sport maktabi Yekaterina Karsten, Olga Berezneva, Alina Pilgun-Mahneva, Marina Kuzmar, Irina Gribko, Vadim Mahnev, Aleksandr Volchetskiy, Konstantin Shcherbak va boshqa bitiruvchilari bilan mashhur boʻlgan. Anna bilim yurtini tugatganidan soʻng, Belarus davlat jismoniy tarbiya universitetiga oʻqishga kirdi va uni 2014-yilda tugatdi.
2010-yilda Brestda oʻtkazilgan yoshlar oʻrtasidagi jahon chempionatida oltinchi oʻrinni egalladi, shu yili Belarus terma jamoasi tarkibida Rechitsa shahrida (Chexiya) boʻlib oʻtgan oʻsmirlar oʻrtasidagi jahon chempionatida qatnashib, bronza medalini qoʻlga kiritdi. Yoshlar oʻrtasidagi jahon chempionatlarida 6-oʻrinni (2011-yil), 5-oʻrinni (2012, 2014-yil), 7-oʻrinni (2013-yil), Yevropa chempionatida 7-oʻrinni (2014-yil), 6-oʻrinni (2015-yil) va 8-oʻrinni (2016-yil) egallagan.
2016-yilgacha xalqaro maydonda Belarus nomidan qatnashgan.
Anna Prakaten 2017-yilda Sankt-Peterburgga koʻchib oʻtib, Yuriy Tyukalov nomidagi suv sport turlari boʻyicha sport mahorati maktabida oʻqishni boshladi. Sportchining yangi murabbiyi Andrey Kostygov boʻldi[3]. 2019-yilda eshkak eshish boʻyicha Rossiya chempionati va birinchiligida gʻalaba qozondi. 2019-yildan Rossiya terma jamoasi tarkibida ishtirok etib kelgan. 2019-yil noyabr oyida Hong Kongda oʻtkazilgan eshkak eshish boʻyicha jahon chempionatida gʻolib chiqdi.
2020-yilda Qozonda eshkak eshish sporti boʻyicha Rossiya chempionatida kumush medalni qoʻlga kiritdi.
2021-yilda Italiyaning Varese shahrida yakkalik bahslarida gʻalaba qozonib[1], Yevropa chempioni boʻldi. Shu yili Tokio Olimpiadasida xuddi shu yoʻnalish boʻyicha kumush medalni qoʻlga kiritdi[1].
2023-yil aprel oyida Anna Prakaten yana fuqaroligini oʻzgartirishni rejalashtirayotgani maʼlum boʻlgan. Oʻsha yilning may oyida xalqaro eshkak eshish sporti federatsiyasi uning Oʻzbekiston terma jamoasiga oʻtishini maʼqulladi[4]. 2023-yil sentyabr oyida Xanchjou Osiyo oʻyinlarida yakkalik bahslarida oltin medalni qoʻlga kiritdi va shu bilan Parij-2024 yozgi Olimpiya oʻyinlari uchun litsenziyasiga ega boʻldi[5].
2024-yilning 28-iyulda Parij-2024 yozgi olimpiadasida eshkak eshish boʻyicha birinchi tur boʻlib oʻtdi. Anna Prakaten dastlabki saralash raundida 3-guruhida start olgan boʻlib, Yangi Zelandiya, Kuba, Meksika va Paragvay kabi mamlakatlari vakillariga qarshi kurashdi, 7:37.80 natijasi bilan ikkinchi boʻlib marra chizigʻini kesib oʻtdi[6] va yarim final bosqichiga toʻgʻridan toʻgʻri yoʻl oldi[7]. Yarim final musobaqalarida Niderlandiya, Avstraliya, Bolgariya vakillaridan keyin to'rtinchi bo'lib keldi.
Shaxsiy hayoti
tahrirAnna Prakaten 2011-yilda turmushga chiqqan va turmush oʻrtogʻining familiyasini olgan – Prakaten. Keyinchalik turmushidan ajrashgan, lekin nikohda olgan familiyasini saqlab qolgan.
Mukofotlar
tahrir- I darajali „Vatanga xizmatlari uchun“ ordeni medali (11-avgust 2021-yil) – 2020-yil Tokio shahrida (Yaponiya) boʻlib oʻtgan XXXII Olimpiada oʻyinlarida mamlakatimiz sportini rivojlantirishga qoʻshgan katta hissasi, yuksak sport yutuqlari, gʻalaba qozonish istagi, qatʼiyatliligi va qatʼiyatliligi uchun[8].
- „Jangovar hamdoʻstlikni mustahkamlash uchun“ medali (14-avgust 2021-yil)[9][10].
Manbalar
tahrir- ↑ 1,0 1,1 1,2 1,3 „Rowing PRAKATSEN Hanna - Tokyo 2020 Olympics“ (en-us) (oʻlik havola — tarix ). ... Qaraldi: 2021-yil 3-avgust.[sayt ishlamaydi]
- ↑ 2,0 2,1 „Приказ № 90 нг «О присвоении почетного спортивного звания „Заслуженный мастер спорта России“»“. 2021-yil 12-avgustda asl nusxadan arxivlangan.
- ↑ „Наша королева гребли закисла в Беларуси и 3 года назад выбрала Россию“. Sports.ru. 2021-yil 3-avgustda asl nusxadan arxivlangan.
- ↑ „Международная федерация гребли одобрила переход россиянки Пракатень в сборную Узбекистана“. 2023-yil 30-avgustda asl nusxadan arxivlangan. Qaraldi: 2023-yil 30-avgust.
- ↑ „THE ASIAN AND OCEANIAN OLYMPIC AND PARALYMPIC QUALIFICATION REGATTA CONCLUDES“. Qaraldi: 2024-yil 28-iyul.
- ↑ „Parij—2024. Anna Prakaten akademik eshkak eshish bahslarida keyingi bosqichga yo‘l oldi“. Qaraldi: 2024-yil 28-iyul.
- ↑ „Parij—2024. Anna Prakaten yarim finalga yo‘l oldi“. daryo.uz. Qaraldi: 1-avgust 2024-yil.
- ↑ „Указ Президента Российской Федерации от 11 августа 2021 года № 463 «О награждении государственными наградами Российской Федерации»“. 2021-yil 11-avgustda asl nusxadan arxivlangan. Qaraldi: 2021-yil 11-avgust.
- ↑ Shoygu prisvoil ocherednie voinskie zvaniya i vruchil nagradi sportsmenam-olimpiysam TsSKA
- ↑ „Министр обороны РФ присвоил очередные воинские звания досрочно и вручил ведомственные награды 40 спортсменам, представлявшим ЦСКА на Олимпиаде-2020“. 2023-yil 30-iyunda asl nusxadan arxivlangan. Qaraldi: 2023-yil 30-iyun.